എന്നെ കണ്ടാൽ ഒരു കുറുക്കനായി തോന്നുന്നുണ്ടോ? ആരാധകരോട് നടൻ ദിലീപ് മേനോൻ
കെ ആര്‍ അനൂപ്|
Last Modified ബുധന്‍, 26 ജൂലൈ 2023 (13:02 IST)
2.5 മിനിറ്റ് ദൈർഘ്യമുള്ള കുറുക്കൻ ട്രെയിലർ കണ്ടപ്പോഴേ സിനിമ പ്രേമികൾ ഉറപ്പിച്ചതാണ് അച്ഛന്റെയും മകന്റെയും പ്രകടനം തിയേറ്ററിൽ ചെന്ന് കാണാൻ. ഇപ്പോഴിതാ ഇനിയാണ് ശരിക്കുമുള്ള ചിരിപൂരം. ചിത്രത്തിലെ ഓരോ ക്യാരക്ടർ പോസ്റ്ററായി നിർമാതാക്കൾ പുറത്തിറക്കുകയാണ്. നടൻ ദിലീപ് മേനോനും സിനിമയിലുണ്ട്.
നവാഗതനായ ജയലാൽ ദിവാകരൻ സംവിധാനം ചെയ്യുന്ന ‘കുറുക്കൻ’ജൂലൈ 27നാണ് പ്രദർശനത്തിന് എത്തുന്നത്.
അന്‍സിബ ഹസ്സന്‍, സുധീര്‍ കരമന, മാളവിക മേനോന്‍, ബാലാജി ശര്‍മ, ശ്രീകാന്ത് മുരളി, ദിലീപ് മേനോൻ, അസീസ് നെടുമങ്ങാട്, ജോജി ജോണ്‍, അശ്വത് ലാല്‍, കൃഷ്‌ണന്‍ ബാലകൃഷ്‌ണന്‍, നന്ദന്‍ ഉണ്ണി, ഗൗരി നന്ദ, അഞ്ജലി സത്യനാഥ്, ശ്രുതി ജയൻ എന്നിവരാണ് പ്രധാന വേഷങ്ങളിൽ എത്തുന്നത്.
തിരക്കഥയും സംഭാഷണവും ഒരുക്കിയിരിക്കുന്നത് മനോജ് റാം സിംഗ് ആണ്. ജിബു ജേക്കബ് ഛായാഗ്രഹണം നിർവഹിക്കുന്നു.രഞ്ജന്‍ ഏബ്രഹാം- എഡിറ്റിങ്. മനു മഞ്ജിത്തിന്‍റെ വരികള്‍ക്ക് ഉണ്ണി ഇളയരാജയാണ് സംഗീതം ഒരുക്കുന്നത്.വര്‍ണ്ണചിത്രയുടെ ബാനറില്‍ മഹാസുബൈര്‍ ആണ് ചിത്രം നിർമ്മിക്കുന്നത്
