മലയാള സിനിമ ഒഴിച്ച് ബാക്കിയെല്ലാ മേഖലയിലും നായികമാരുടെ ഗ്ലാമര്‍ പ്രദര്‍ശനം ആവശ്യപ്പെടാറുണ്ട്. ഒരു ഐറ്റം ഡാന്‍സെങ്കിലും മിനിമം ഒരു സിനിമയില്‍ ഉണ്ടായിരിക്കണമെന്ന വാശിയുള്ള സംവിധായകരും ഉണ്ട്. അതേസമയം ഗ്ലാമര്‍ വേഷങ്ങളില്‍ തിളങ്ങി സൂപ്പര്‍ താര പദവിയിലെത്തിയ നടിമാരും ഉണ്ട്.

ഗ്ലാമര്‍ വേഷങ്ങള്‍ അത്ര മോശമല്ലെന്നും സിനിമയ്ക്ക് ആവശ്യമെങ്കില്‍ താനും ഗ്ലാമര്‍ വേഷങ്ങള്‍ ധരിക്കുമെന്നും നടി രാകുല്‍ പ്രീത് സിംഗ് പറയുന്നു. ധീരന്‍ അധികാരം ഓണ്ട്ര് എന്ന പുതിയ തമിഴ് ചിത്രത്തിലാണ് ഈ തെന്നിന്ത്യന്‍ താരം കാര്‍ത്തിയുടെ നായികയാകുന്നത്.

ഗ്ലാമര്‍ ഇല്ലെങ്കില്‍ സിനിമയില്ലെന്നും നടിമാര്‍ ഗ്ലാമര്‍ വേഷത്തില്‍ പ്രത്യക്ഷപ്പെട്ടാല്‍ മാത്രമേ പ്രേക്ഷകര്‍ ഇഷ്ടപ്പെടു എന്നും താരം പറയുന്നു. ഗ്ലാമര്‍ വേഷത്തില്‍ നടിമാര്‍ കാണുമ്പോള്‍ ദേവതമാരേപ്പോലെ തോന്നുന്നുവെന്നാണ് രാകുലിന്റെ പക്ഷം.

അതുകൊണ്ട് ചുംബന രംഗങ്ങളില്‍ അഭിനയിക്കുന്നതിനെ ഒരു കാരണവശാലും തെറ്റിദ്ധരിക്കരുതെന്നും താരം പറയുന്നുണ്ട്. കഥയ്ക്ക് ആവശ്യമെങ്കില്‍ ഇഷ്ടം പോലെ ചുംബിക്കാന്‍ തയാറാണ്. സിനിമയില്‍ ചുംബിക്കുന്നത് ആഭാസമായി കാണരുതെന്നും താരം പറയുന്നു.