കെ ആര്‍ അനൂപ്|
Last Modified വെള്ളി, 11 ഫെബ്രുവരി 2022 (10:35 IST)
സൈജു കുറുപ്പിനെ നായകനാക്കി ദുല്‍ഖര്‍ സല്‍മാന്‍ നിര്‍മിക്കുന്ന ഉപചാരപൂര്‍വ്വം ഗുണ്ട ജയനില്‍ നടന്‍ ശബരീഷും. ഫെബ്രുവരി 25ന് ചിത്രം തിയറ്ററുകളിലെത്തും.
'കണ്ടോളു ...ചിരിച്ചോളൂ ...പക്ഷെ പഴെയെ ഗുണ്ടകളെ കളിയാക്കരുതെ ...ഇത് ഒരു അപേക്ഷയാണ് ...ഉപചാരപൂര്‍വം ഗുണ്ടജയന്‍'- സൈജു കുറുപ്പ് പോസ്റ്റിനു താഴെ കുറിച്ചു.
കഥ എഴുതി സംവിധാനം ചെയ്യുന്നത് അരുണ്‍ വൈഗയാണ്. രാജേഷ് വര്‍മ്മയുടെതാണ് തിരക്കഥ. ചിത്രത്തില്‍ സൈജു കുറുപ്പ്, സിജു വില്‍സണ്‍, ശബരീഷ് വര്‍മ്മ,ജോണി ആന്റണി, ഗോകുലന്‍, സാബു മോന്‍, ഹരീഷ് കണാരന്‍, ഷാനി ഷാക്കി, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരാണ് പ്രധാന വേഷങ്ങളില്‍ എത്തുന്നത്.
വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടൈന്‍മെന്റിന്റെ ബാനറില്‍ സെബാബ് ആനികാടും ചേര്‍ന്നാണ് ചിത്രം നിര്‍മ്മിക്കുന്നത്.
