എന്നും ഒന്നിച്ച്, സ്വാസികയെ ചേര്‍ത്തുപിടിച്ച് പ്രേം, സന്തോഷ നിമിഷങ്ങള്‍ പങ്കുവെച്ച് നടി
കെ ആര്‍ അനൂപ്|
Last Modified ബുധന്‍, 19 ജൂണ്‍ 2024 (11:50 IST)
Swasika and Prem Jacob
സോഷ്യല്‍ മീഡിയ ആഘോഷമാക്കിയ താരദമ്പതിമാരാണ് സ്വാസിക വിജയിയും പ്രേം ജേക്കബും. ഇരുവരുടെയും പ്രണയ വിവാഹമായിരുന്നു. മതപരമായ ചടങ്ങുകള്‍ ഒഴിവാക്കി ബീച്ച് വെഡ്ഡിങായിരുന്നു രണ്ടാളും തെരഞ്ഞെടുത്തത്. ജനുവരിയില്‍ നടന്ന വിവാഹ ആഘോഷത്തില്‍ സിനിമ താരങ്ങളുടെ നീണ്ടനിരയുണ്ടായിരുന്നു.
വിവാഹശേഷം ജോലിത്തിരക്കുകളിലേക്ക് കടന്ന താരങ്ങള്‍ ഹണിമൂണ്‍ ആഘോഷിക്കാനായി ആന്റമാന്‍ നിക്കോബാര്‍ ദ്വീപിലേക്ക് പോയിരുന്നു.
സെലിബ്രിറ്റി കപ്പിളിന്റെ പുത്തന്‍ ഫോട്ടോ ഷൂട്ടാണ് ഇപ്പോള്‍ ശ്രദ്ധ നേടുന്നത്. ഒരുമിച്ച് അഭിനയിച്ച ശേഷമാണ് പ്രേമും സ്വാസികയും പ്രണയത്തിലായത്. സ്വാസിക തന്നെയാണ് പ്രേമിനോട് പ്രണയഭ്യര്‍ത്ഥന നടത്തിയത്. ഇരുവരുടെയും പ്രണയത്തെ കുടുംബം കൂടി അംഗീകരിച്ചതോടെ വിവാഹത്തിലേക്ക് എത്തി.
വിശേഷങ്ങള്‍ എല്ലാം സ്വാസിക യൂട്യൂബ് ചാനലിലൂടെ പങ്കുവെക്കാറുണ്ട്.മൂന്ന് ലക്ഷത്തില്‍ അധികം സബ്‌സ്‌ക്രൈബേഴ്‌സുള്ള ചാനലില്‍ സ്വാസിക പങ്കുവെച്ച ഏറ്റവും പുതിയ വീഡിയോയാണ് ശ്രദ്ധ നേടുന്നത്.ഭര്‍ത്താവ് പ്രേമിനേയും കൂട്ടി തന്റെ വീട്ടില്‍ നില്‍ക്കാന്‍ വന്നപ്പോഴുള്ള വിശേഷങ്ങളാണ് വീഡിയോയില്‍ ഉള്‍പ്പെടുത്തിയിരിക്കുന്നത്.
