രേണുക വേണു|
Last Modified ബുധന്‍, 19 ജൂണ്‍ 2024 (11:10 IST)
വീണ്ടുമൊരു റൊമാന്റിക് ചിത്രവുമായി ഷെയിന്‍ നിഗം. നിഷാദ് കോയയുടെ രചനയില്‍ വീര സംവിധാനം ചെയ്യുന്ന 'ഹാല്‍' ടീസര്‍ പുറത്തിറങ്ങി. റിലീസ് ചെയ്തു 24 മണിക്കൂര്‍ പിന്നിടുമ്പോള്‍ 10 ലക്ഷത്തിലേറെ കാഴ്ചക്കാരെ സ്വന്തമാക്കാന്‍ ടീസറിനു സാധിച്ചു. തസ്ലിം ഫസ്ലീയുടെ വരികള്‍ക്ക് നന്ദഗോപന്‍ സംഗീതം നല്‍കി ഷെയിന്‍ നിഗം ആലപിച്ച 'റഫ്ത റഫ്ത' എന്ന ഗാനമാണ് ടീസര്‍ ആയി എത്തി പ്രേക്ഷകര്‍ക്കിടയില്‍ വൈറലായി മാറിയിരിക്കുന്നത്.
ജെ.വി.ജെ പ്രൊഡക്ഷന്‍സ് ആണ് ചിത്രം നിര്‍മ്മിക്കുന്നത്. ഓര്‍ഡിനറി, മധുര നാരങ്ങ, തോപ്പില്‍ ജോപ്പന്‍, ശിക്കാരി ശംഭു എന്നീ ചിത്രങ്ങള്‍ക്ക് ശേഷം നിഷാദ് കോയ രചന നിര്‍വ്വഹിക്കുന്ന 'ഹാല്‍' സംഗീതത്തിന് പ്രാധാന്യം നല്‍കി ഒരുക്കുന്ന സിനിമയാണ്. ഷെയിന്‍ നിഗത്തിന്റെ കരിയറിലെ തന്നെ ബിഗ് ബജറ്റ് ചിത്രമായ ഹാല്‍. മലയാളത്തിന് പുറമെ ഹിന്ദി, തെലുങ്ക്, തമിഴ്, കന്നഡ എന്നീ ഭാഷകളിലായി ഒരേ സമയം റിലീസ് ചെയ്യുന്ന ഹാല്‍ കംപ്ലീറ്റ് എന്റര്‍ടെയ്‌നര്‍ ആയിരിക്കുമെന്നാണ് സൂചന.
ക്യാമറ: രവി ചന്ദ്രന്‍, ആര്‍ട്ട് ഡയറക്ഷന്‍: പ്രശാന്ത് മാധവ്, എഡിറ്റര്‍: ആകാശ്, കോസ്റ്റ്യൂംസ്: ധന്യ ബാലകൃഷ്ണന്‍, പ്രൊഡക്ഷന്‍ കണ്‍ട്രോളര്‍: പ്രശാന്ത് നാരായണ്‍, മേക്കപ്പ്: അമല്‍ ചന്ദ്രന്‍, വിഎഫ്എക്‌സ്: ഡിജിറ്റല്‍ ടര്‍ബോ മീഡിയ, ഡിസൈന്‍സ്: യെല്ലോ ടൂത്ത്, സ്റ്റില്‍സ് : എസ് ബി കെ ഷുഹൈബ്, പിആര്‍ഒ: ആതിര ദില്‍ജിത്ത്. ഡിജിറ്റല്‍ മാര്‍ക്കറ്റിംഗ് : ഒബ്‌സ്‌ക്യൂറ എന്റര്‍ടൈന്‍മെന്റ്‌സ്.
