ചെന്നൈ|
Last Modified വ്യാഴം, 17 ജനുവരി 2019 (16:54 IST)
സംഗീത സംവിധായകന്‍ എസ് ബാലകൃഷ്‌ണന്‍ (69) അന്തരിച്ചു. ഇന്ന് രാവിലെ 11 മണിക്ക് ചെന്നൈ നീലാങ്കരയിലെ വീട്ടിൽ വച്ചായിരുന്നു അന്ത്യം. സംസ്‌കാരം ഇന്ന് നടക്കും.
അര്‍ബുദത്തെ തുടര്‍ന്നു ദീര്‍ഘനാളായി ചികിത്സയിലായിരുന്നു ബാലകൃഷ്‌ണന്‍. ഭാര്യ: രാജലക്ഷ്മി. മക്കള്‍: ശ്രീവത്സന്‍, വിമല്‍ ശങ്കര്‍.
14 ചിത്രങ്ങൾക്ക് മാത്രമേ എസ് ബാലകൃഷ്‌ണന്‍ സംഗീതം നൽകിയുള്ളുവെങ്കിലും അവയെല്ലാം സൂപ്പര്‍ ഹിറ്റുകളായിരുന്നു. ഇന്‍ ഹരിഹര്‍ നഗര്‍, ഗോഡ്ഫാദര്‍, റാംജി റാവു സ്പീക്കിങ്, കിലുക്കാംപെട്ടി, വിയറ്റ്‌നാം കോളനി, മഴവില്‍ കൂടാരം, തുടങ്ങിയ മലയാള സിനിമകള്‍ക്കു സംഗീതം നല്‍കിയിട്ടുണ്ട്.
സിദ്ധിഖ് - ലാൽ കൂട്ടുകെട്ടിലൊരുങ്ങിയ മിക്ക ചിത്രങ്ങളിലും എസ് ബാലകൃഷ്ണനായിരുന്നു സംഗീതസംവിധായകൻ. 80ലേറെ മലയാള ചലചിത്രഗാനങ്ങള്‍ ബാലകൃഷ്‌ണന്റേതായിട്ടുണ്ട്.
