കെ ആര്‍ അനൂപ്|
Last Modified ബുധന്‍, 17 നവം‌ബര്‍ 2021 (14:26 IST)
ടെലിവിഷന്‍ സീരിയലുകളിലൂടെയാണ് മൗനി റോയ് കരിയര്‍ തുടങ്ങിയത്. ബാലാജി പ്രൊഡക്ഷന്‍സിന്റെ 'നാഗിന്‍' എന്ന പരമ്പരയിലൂടെ നടി കൂടുതല്‍ ശ്രദ്ധ നേടി. ഇപ്പോഴിതാ താരത്തിന്റെ വിവാഹത്തെക്കുറിച്ചുള്ള ചര്‍ച്ചകളിലാണ് ബോളിവുഡ് സിനിമ ലോകം.2022 ജനുവരിയില്‍ താരം വിവാഹം ചെയ്യുമെന്നാണ് റിപ്പോര്‍ട്ടുകള്‍.
മൗനി റോയ് തന്റെ ബോയ്ഫ്രണ്ടും ബിസിനസുകാരനായ സൂരജ് നമ്പ്യാരെ ജനുവരിയില്‍ വിവാഹം കഴിക്കുമെന്നാണ് കേള്‍ക്കുന്നത്.ഇരുവരുടെയും വിവാഹം ദുബായിലോ ഇറ്റലിയിലോ ആയിരിക്കുമെന്നാണ് സൂചന.ഈ വര്‍ഷമാദ്യം മൗനിയുടെ അമ്മ സൂരജിന്റെ മാതാപിതാക്കളെ പോയി കണ്ടിരുന്നു.
അയന്‍ മുഖര്‍ജി സംവിധാനം ചെയ്യുന്ന 'ബ്രഹ്മാസ്ത്ര'യിലാണ് മൗനി റോയ് അടുത്തതായി അഭിനയിക്കുന്നത്.
