സിആര്‍ രവിചന്ദ്രന്‍|
Last Modified വ്യാഴം, 7 നവം‌ബര്‍ 2024 (19:37 IST)
കമല്‍ ഹാസന് പിറന്നാള്‍ ആശംസകള്‍ നേര്‍ന്ന് നടന്‍ മോഹന്‍ലാല്‍. എക്‌സിലൂടെയാണ് മോഹന്‍ലാല്‍ പിറന്നാള്‍ ആശംസകള്‍ അറിയിച്ചത്. 'പ്രിയപ്പെട്ട കമല്‍ ഹാസന് സാറിന് ജന്മദിനാശംസകള്‍. നിങ്ങളുടെ കലാപരതയും സര്‍ഗത്മകതയും അര്‍പ്പണബോധവും ലോകവുമായി പങ്കിടുന്നത് തുടരുക. ഈ വര്‍ഷം കൂടുതല്‍ വിജയവും സന്തോഷവും ഉണ്ടാകട്ടെ'- മോഹന്‍ലാല്‍ കുറിച്ചു.
ആരാധകരും താരങ്ങളുമടക്കം നിരവധി പേരാണ് കമല്‍ ഹാസന് സോഷ്യല്‍ മീഡിയയിലൂടെ പിറന്നാള്‍ ആശംസകള്‍ അറിയിക്കുന്നത്. 70-ാം പിറന്നാളാണ് കമല്‍ ഹാസന്റേത്. പിറന്നാളിനോടനുബന്ധിച്ച് അദ്ദേഹത്തിന്റെ പുതിയ സിനിമ പ്രഖ്യാപനങ്ങള്‍ എന്തെങ്കിലും ഉണ്ടാകുമോ എന്ന കാത്തിരിപ്പിലാണ് ആരാധകര്‍.
