രണ്‍ബീര്‍ കപൂര്‍ നായകനായി എത്തിയ അനിമല്‍ 1000 കോടി ക്ലബ്ബിലേക്ക് എത്തുമോ എന്നതാണ് ഇനി കണ്ടറിയേണ്ടത്. നടന്റെ കരിയറിലെ ഏറ്റവും വലിയ വിജയം. വിമര്‍ശനങ്ങള്‍ നേരിടുമ്പോഴും ബോക്‌സ് ഓഫീസില്‍ നേട്ടം കൊയ്യാന്‍ സിനിമയ്ക്കായി. വില്ലന്‍ വേഷത്തില്‍ എത്തിയ ബോബി ഡിയോളും പ്രശംസ നേടി.

ബോബി ഡിയോള്‍ അവതരിപ്പിച്ച അബ്രാര്‍ ഹക്കിന്റെ എന്‍ട്രി ഗാനമായ 'ജമാല്‍ കുഡു'വൈറലായി മാറിക്കഴിഞ്ഞു. ഇന്‍സ്റ്റഗ്രാം റിലീല്‍സുകളില്‍ ഇത് നിറയുന്നുണ്ട്. ഇതോടൊപ്പം സിനിമയിലെ ഇന്റിമേറ്റ് സീനുകള്ളും മാരിറ്റല്‍ റേപ്പ് സീനും സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്.

രണ്‍ബീര്‍ കപൂറിനൊപ്പമുള്ള ഒരു ചുംബനരംഗം തനിക്ക് ഉണ്ടായിരുന്നുവെന്ന് ബോബി ഡിയോണ്‍ വെളിപ്പെടുത്തി. ക്ലൈമാക്‌സില്‍ രണ്‍ബിറിന്റെ രണ്‍വിജയ് സിംഗുമായി തനിക്കൊരു ചുംബന രംഗം ഉണ്ടായിരുന്നു എന്നാണ് അദ്ദേഹം പറഞ്ഞത്. എന്നാല്‍ സംവിധായകന്‍ ഈ രംഗം നീക്കം ചെയ്യുകയായിരുന്നു. അനിമലിലെ ഈ കട്ട് ചെയ്യാത്ത ചുംബന രംഗം നെറ്റ്ഫ്ലിക്സില്‍ വന്നേക്കാം എന്നും ബോബി പറയുന്നുണ്ട്.