ബിഗ് ബോസ് ആറാം സീസണ്‍ ആരംഭിച്ചപ്പോഴേ പ്രേക്ഷകരുടെ മനസ്സില്‍ ഇടം ഇടം നേടാന്‍ രതീഷ് എന്ന മത്സരാര്‍ത്ഥിക്കായി. നിമിഷനേരം കൊണ്ട് തന്നെ എല്ലാവരെയും കൈയിലെടുക്കാന്‍ കഴിവുണ്ട് ആള്‍ക്ക്. പാട്ടും ഡാന്‍സും ഒക്കെ ഉണ്ട് ആളുകളെ ആകര്‍ഷിക്കാന്‍ താരത്തിന് ബിഗ് ബോസിലെ അവതരണ ഗാനം മറ്റൊരു ഈണത്തില്‍ പാടിയും കിയ്യടി വാങ്ങി.കാവേരി തുമ്പില്‍ കാത്തിരുന്ന പൈതലൈ എന്ന് തുടങ്ങുന്ന ഒരു ഗാനമാണ് കൂടുതലും സോഷ്യല്‍ മീഡിയയില്‍ നിറയുന്നത്.

രതീഷിനെ മലയാളികള്‍ക്ക് നേരത്തെ തന്നെ അറിയാം. ഗായകനും അവതാരകനും ഒക്കെയാണ് രതീഷ് കുമാര്‍. ഒന്നുകൂടി പറയുകയാണെങ്കില്‍ വാല്‍ക്കണ്ണാടി എന്ന പരിപാടി കണ്ടവര്‍ക്ക് ഇപ്പോഴും ഓര്‍മ്മയുണ്ടാകും താരത്തെ. അടുപ്പക്കാര്‍ക്ക് ഇടയില്‍ കണ്ണേട്ടന്‍ എന്ന പേരിലാണ് രതീഷ് അറിയപ്പെടുന്നത്. താനൊരു മികച്ച ഗെയിമര്‍ കൂടിയാണെന്ന് രതീഷ് സ്വയം അവകാശപ്പെടുന്നു.

ഒരുകാര്യം ഞാന്‍ ഉറപ്പ് തരാം എല്ലാവരേയും ഞാന്‍ വെറുപ്പിക്കും, പണിയെടുപ്പിച്ച് ഊപ്പാട് ഞാന്‍ ഇളക്കും. ഒരുപാട് കാര്യങ്ങള്‍ ചെയ്യാനുണ്ട്. മൊത്തത്തില്‍ ഞാനൊരു നല്ല ക്യാപ്റ്റനായിരിക്കും. ഒരു ആളുടേയും ഉഡായിപ്പ് പണികള്‍ എന്റെ അടുത്ത് നടക്കില്ല. പണി ചെയ്യാതെ ഇരിക്കുന്നവനെ ഇരട്ടി പണിയെടുപ്പിക്കുക എന്നതായിരിക്കും എന്റെ സ്ട്രാറ്റജി എന്നാണ് ഏഷ്യാനെറ്റ് നല്‍കിയ ആഭിമുഖത്തിനിടെ രതീഷ് പറഞ്ഞത്.