aparna|
Last Modified വെള്ളി, 1 സെപ്‌റ്റംബര്‍ 2017 (07:48 IST)
തെന്നിന്ത്യന്‍ സിനിമയിലെ ഏറ്റവും ഹിറ്റായി മാറിയ ചിത്രമാണ് ബാഹുബലി. അതുപോലെ കളക്ഷന്റെ കാര്യത്തില്‍ നൂറ് കോടി കടന്ന മലയാള ചിത്രമാണ് പുലിമുരുകന്‍. ചിത്രം തമിഴിലും തെലുങ്കിലും ഇറങ്ങിയിരുന്നു. കൂടാതെ മോഹന്‍ലാലിന്റെ ജനതാഗാരേജും തെലുങ്ക് ചിത്രമായിരുന്നു. രണ്ട് ഹിറ്റ് ചിത്രങ്ങള്‍ തെലുങ്കില്‍ സംഭാവന ചെയ്തതോടെ മോഹന്‍ലാല്‍ എന്ന നടന് തെലുങ്ക് നാട്ടില്‍ ജനപ്രീതിയും വര്‍ധിച്ചു.
‘ബാഹുബലിയും പുലിമുരുകനും’ അഥവാ മോഹന്‍ലാലും പ്രഭാസും ഒന്നിക്കുന്നുവെന്ന് റിപ്പോര്‍ട്ടുകള്‍ വന്നിരുന്നു. കൂടാതെ മോഹനാലിനൊപ്പം അഭിനയിക്കാന്‍ പ്രഭാസ് താല്‍പ്പര്യവും പ്രകടിപ്പിച്ചിരുന്നു. ഇതോടെ പ്രഭാസ് നായകനാകുന്ന പുതിയ ചിത്രം സാഹോയില്‍ മോഹന്‍ലാലും അഭിനയിക്കുന്നുണ്ടെന്ന് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍, സാഹോയില്‍ അഭിനയിക്കുന്ന മലയാളി താരം മോഹന്‍ലാല്‍ അല്ല, മറിച്ച് ലാല്‍ ആണ്.
ശ്രദ്ധ കപൂര്‍ നായികയാവുന്ന ചിത്രത്തില്‍ ജാക്കി ഷ്രോഫിനൊപ്പം ഇന്ത്യയിലെ വിവിധ ഭാഷാസിനിമകളില്‍ നിന്നും താരങ്ങള്‍ എത്തുമെന്നായിരുന്നു റിപ്പോര്‍ട്ട്. 150 കോടി ബജറ്റില്‍ ഇതിനകം ചിത്രീകരണമാരംഭിച്ച ആക്ഷല്‍ ത്രില്ലര്‍ ചിത്രമാണ് 'സാഹൊ'. പ്രഭാസും മോഹന്‍ലാലും ഒന്നിക്കുന്നതിനായി ഇനിയും ആരാധകര്‍ കാത്തിരിക്കണം.
