തമിഴ്നാട്ടിൽ ചരിത്രം സൃഷ്ടിക്കുകയാണ് വിജയ് ചിത്രം മെർസൽ. തെരി എന്ന ചിത്രത്തിന് ശേഷം ആറ്റ്‌ലി-വിജയ് കൂട്ടുകെട്ടില്‍ ഒരുങ്ങിയ സിനിമയാണ് മെര്‍സല്‍. റിലീസിനു മുമ്പും പിമ്പും ഏറെ വിവാദത്തിൽപ്പെട്ട സിനിമയാണ് മെർസൽ. എന്നാല്‍ ശത്രുക്കളെ പോലും അസൂയപ്പെടുത്തുന്ന നേട്ടമാണ് ബോക്‌സ് ഓഫീസില്‍ ചിത്രത്തിന് ലഭിച്ചത്.

15 ദിവസത്തിനുള്ളില്‍ 200 കോടി എന്ന റെക്കോര്‍ഡ് ചിത്രം മറികടന്നു.കേരളത്തിലും പുതിയ റെക്കോര്‍ഡുകള്‍ മെര്‍സല്‍ സ്വന്തമാക്കി. ആറ് കോടിക്ക് മുകളില്‍ ആദ്യ ദിന കളക്ഷന്‍ നേടിയതായിരുന്നു ചിത്രത്തിന്റെ ആദ്യ റെക്കോര്‍ഡ്.

ഇപ്പോഴിതാ, കേരളത്തില്‍ ഏറ്റവും അധികം കളക്ഷന്‍ നേടുന്ന തമിഴ് ചിത്രം എന്ന റെക്കോര്‍ഡും മെര്‍സല്‍ സ്വന്തമാക്കിയിരിക്കുകയാണ്. 16 ദിവസം കൊണ്ട് 20.28 കോടിയാണ് ചിത്രം കേരള ബോക്സോഫീസിൽ നേടിയത്. 19 കോടിയിലധികം കളക്ഷന്‍ നേടിയ വിക്രം ചിത്രം ഐയുടെ റെക്കോര്‍ഡാണ് മെര്‍സല്‍ മറികടന്നത്.