Widgets Magazine
Widgets Magazine

എന്റെ സിനിമകള്‍ കാണിക്കുന്നത് അന്താരാഷ്ട്രവേദികളിലാണ്, അവിടെയാര്‍ക്കും മോഹന്‍ലാലിനെ അറിയില്ല: മോഹന്‍ലാലിനു മറുപടിയുമായി ഡോ ബിജു

തിങ്കള്‍, 13 നവം‌ബര്‍ 2017 (09:35 IST)

Widgets Magazine
അനുബന്ധ വാര്‍ത്തകള്‍

ഡോ. ബിജുവിന്റെ ചിത്രത്തില്‍ അഭിനയിക്കാത്തതിന്റെ കാരണം വെളിപ്പെടുത്തിയ നടന്‍ മോഹന്‍ലാലിനു മറുപടിയുമായി ബിജു രംഗത്ത്. മോഹന്‍ലാലിനു താല്‍പ്പര്യമുണ്ടെങ്കില്‍ എന്റെ സിനിമയില്‍ അഭിനയിക്കാമെന്നും എനിക്ക് വലിയ താല്‍പ്പര്യം ഇല്ലെന്നും ബിജു ഒരു ഓണ്‍ലൈന്‍ മാധ്യമത്തിനു നല്‍കിയ അഭിമുഖത്തില്‍ വ്യക്തമാക്കി.
 
കഥ കേള്‍ക്കുമ്പോള്‍ എനിക്ക് ചില ചോ‌ദ്യങ്ങള്‍ ഉണ്ടായിരുന്നുവെന്നും എന്നാല്‍ അതിനൊന്നും അദ്ദേഹത്തിനു മറുപടി നല്‍കാന്‍ സാധിച്ചില്ലെന്നുമായിരുന്നു മോഹന്‍ലാല്‍ വനിത മാഗസിനു നല്‍കിയ അഭിമുഖത്തില്‍ വ്യക്തമാക്കിയത്. 
 
‘അദ്ദേഹം വന്നു കഥ പറഞ്ഞിട്ടുണ്ട്. അതു സത്യം. കഥ കേള്‍ക്കുമ്പോള്‍  എനിക്ക് ചില ചോദ്യങ്ങളുണ്ടായി, അതിനു മറുപടി തരാന്‍ അദ്ദേഹത്തിനു സാധിച്ചില്ല. ആ ഒരു സിനിമയില്‍ അഭിനയിച്ചില്ല എന്നു വച്ച് എനിക്കൊന്നും സംഭവിച്ചിട്ടില്ല. അതിലഭിനിയച്ചു എന്നുവച്ചും ഒന്നും സംഭവിക്കില്ല. അങ്ങനൊരു സിനിമയായിരുന്നു അത്. 
 
എനിക്കതില്‍ ത്രില്ലിങായി യാതൊന്നും തോന്നിയില്ല. അതദ്ദേഹത്തിന്‍റെ പേഴ്‌സണല്‍ ഫിലിമാണ്. തീര്‍ച്ചയായും അത്തരം സിനിമകള്‍ നമുക്കു ചെയ്യാം. മുമ്പ് ചെയ്തിട്ടുണ്ട് ഇനിയും ചെയ്യും. പക്ഷേ അതത്രയ്ക്കു ബ്രില്ല്യന്‍റായിരിക്കണം. ഒരു വാസ്തുഹാരയോ ഒരു വാനപ്രസ്ഥമോ ആകണം. അല്ലാതെ മനഃപൂര്‍വം ഒരു ആര്‍ട്ട്ഹൗസ് സിനിമയില്‍ അഭിനയിച്ചു കളയാം എന്നുവച്ച് അഭിനയിക്കേണ്ട കാര്യം ഇന്നത്തെ നിലയ്ക്ക് എനിക്കില്ല‘ - എന്നായിരുന്നു മോഹന്‍ലാല്‍ ബിജുവിനോട് പറഞ്ഞത്.  
 
ഇതിനു മറുപടിയുമായിട്ടാണ് ബിജു രംഗത്തെത്തിയത്. അത്രയ്ക്കു വലിയ ചര്‍ച്ചകള്‍ ഒന്നും അന്നു നടന്നിരുന്നില്ല എന്നും ഒരു ഇനിഷ്യല്‍ ഡിസ്‌കഷന്‍ മാത്രമാണ് നടന്നത് എന്നും ഡോ.ബിജു പറയുന്നു. ‘എന്‍റെ സിനിമയില്‍ ആര് അഭിനയിച്ചാലും അതു കാണിക്കുന്നത് അന്താരാഷ്ട്രാവേദികളിലാണ്. അവിടെ ആര്‍ക്കും മോഹന്‍ലാലിനെയും അറിയില്ല മമ്മൂട്ടിയേയും അറിയില്ല. അതിനാല്‍ ആരാണ് അതില്‍ അഭിനയിക്കുന്നത് എന്നത് എനിക്ക് പ്രശ്നമുള്ള കാര്യമല്ല. കാരണം ആ സിനിമകള്‍ കാണിക്കുന്നതു യൂറോപ്യന്‍ രാജ്യങ്ങളിലും അമേരിക്കയിലുമൊക്കെയാണ്.  
 
ഒരു പക്ഷേ മോഹന്‍ലാല്‍ അഭിനയിച്ചതു കൊണ്ട് കേരളത്തില്‍ ഒരു മൈലേജ് ഉണ്ടാകുമെന്നുള്ളതല്ലാതെ മറ്റൊന്നും സംഭവിക്കാനില്ല. മോഹന്‍ലാലിന് താല്‍പ്പര്യം ഉണ്ടെങ്കില്‍ എന്‍റെ സിനിമകളില്‍ അഭിനയിക്കാം എന്നല്ലാതെ എനിക്ക് വലിയ താല്‍പ്പര്യം ഒന്നും ഇല്ല എന്നും ഡോ. ബിജു പ്രതികരിച്ചു.



Widgets Magazine
Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine

സിനിമ

news

പൃഥ്വിരാജും രഞ്ജിത്തും വീണ്ടും ഒന്നിക്കുന്നു, വരുന്നത് മറ്റൊരു നന്ദനം?

നന്ദനം മലയാളത്തിലെ ഏറ്റവും മികച്ച പ്രണയകാവ്യമാണ്. രഞ്ജിത് സംവിധാനം ചെയ്ത ആ ...

news

രാജ്യത്തെ സിനിമാരംഗത്ത് വിപ്ലവം സൃഷ്ടിക്കാന്‍ ഇന്‍ഡിവുഡ്; 10 ബില്യണ്‍ യുഎസ് ഡോളറിന്‍റെ പദ്ധതി ഒരുങ്ങുന്നു

രാജ്യത്തെ സിനിമാരംഗത്തുള്ള ബിസിനസ് സാദ്ധ്യതകള്‍ തുറന്ന് കാട്ടി നിക്ഷേപകരെയും ...

news

‘നിങ്ങള്‍ സൂപ്പര്‍താരമായിരിക്കും, അതിനര്‍ത്ഥം ഈനാട് മുഴുവന്‍ നിങ്ങളുടേതാണെന്നല്ല’: ഷാരൂഖാനെ ശകാരിച്ച് ജയന്ത് പട്ടേല്‍

ബോളിവുഡിന്റെ സൂപ്പര്‍ താരമാണ് ഷാരൂഖാന്‍. ഇപ്പോള്‍ സോഷ്യല്‍ മീഡിയ ചര്‍ച്ച ചെയുന്നത് ...

news

‘ഇയാള്‍ വേണ്ട, അഹങ്കാരിയാണ്’ - പൃഥ്വിരാജിനെ കണ്ട നിര്‍മാതാവ് സംവിധായകനോട് പറഞ്ഞു

മലയാളത്തിലെ എക്കാലത്തേയും ലക്ഷണമൊത്ത ഗുണ്ടാചിത്രങ്ങളില്‍ ഒന്നാണ് ‘സ്റ്റോപ് വയലെന്‍സ്’. എ ...

Widgets Magazine