aparna|
Last Modified വ്യാഴം, 12 ഒക്‌ടോബര്‍ 2017 (15:02 IST)
നാടകാചാര്യൻ, സാഹിത്യകാരൻ, നടൻ എന്നീ നിലകളിൽ വ്യക്തിമുദ്രപതിപ്പിച്ച എൻ എൻ പിള്ളയുടെ ജീവിതം സിനിമയാകുന്നു. രാജീവ് രവി സംവിധാനം ചെയ്യുന്ന ചിത്രത്തിൽ എൻ എൻ പിള്ളയായി എത്തുന്നത് യൂത്ത് ഐക്കൺ നിവിൻ പോളിയാണ്.
നിവിൻ പോളിയുടെ പിറന്നാൾ ദിനമായ ഇന്നലെ രാജീവ് രവി തന്നെയാണ് ഇക്കാര്യം പുറത്തുവിട്ടിരിയ്ക്കുന്നത്. രാജീവ് രവിക്കൊപ്പം ഒരു
സിനിമ ചെയ്യാൻ കഴിയുക എന്നത് വലിയൊരു ആദരവായി കാണുന്നുവെന്ന് നിവിൻ പറയുന്നു.
ഗോപൻ ചിദംബരം ആണ് സിനിമയുടെ തിരക്കഥ. ഇയ്യോബിന്റെ പുസ്തകം തിരക്കഥ ഗോപനായിരുന്നു. എൻ എൻ പിള്ളയുടെ സംഭവബഹുലമായ ജീവിത സാഹചര്യങ്ങളാണ് ചിത്രത്തിന് പ്രമേയമാവുന്നത്.
4 എൻറ്റർറ്റൈൻമെൻറ്സ് ആണ് ചിത്രം നിർമിക്കുന്നത്.
1991ൽ സിദ്ദിഖ്-ലാൽ സംവിധാനം ചെയ്ത ഗോഡ്‌ഫാദർ എന്ന സിനിമയിൽ
അഞ്ഞൂറാൻ എന്ന കഥാപാത്രത്തെ അവതരിപ്പിച്ചു കൊണ്ടായിരുന്നു എൻ എൻ പിള്ള അഭിനയത്തിലേക്ക് അരങ്ങേറ്റം കുറിച്ചത്. തുടർന്ന് നാടോടി എന്ന ചിത്രത്തിലും അഭിനയിച്ചു.
