കാലം മാറിയതോടെ വട്ടപ്പൊട്ടിന് പ്രചാരം വര്‍ദ്ധിച്ചു വരുകയാണ്. പുതിയ തലമുറയിലെ പെണ്‍കുട്ടികള്‍ വരെ ഈ രീതി പിന്തുടരാന്‍ ഇപ്പോള്‍ മടി കാണിക്കാറില്ല. എന്തു കൊണ്ടാണ് യുവതികള്‍ വട്ടപ്പൊട്ടിനോട് കൂടുതല്‍ ഇഷ്‌ടം കാണിക്കുന്നതെന്ന സംശയം പലരിലുമുണ്ട്.

മുഖത്തിന് പ്രത്യേക അഴകും കാന്തിയും നല്‍കാന്‍ വട്ടപ്പൊട്ടിന് സാധിക്കുന്നുണ്ടെന്നാണ് ഇപ്പോഴത്തെ സുന്ദരിക്കുട്ടികള്‍ പറയുന്നത്. പൊതുവേദികളിള്‍ വ്യത്യസ്ഥയാകാനും പക്വത തോന്നിക്കാനും വട്ടപ്പൊട്ടിന് കഴിയുന്നുണ്ടെന്ന് വിശ്വസിക്കുന്നവരും ധാരാളമാണ്.

അലങ്കാരങ്ങളൊന്നുമില്ലാതെ സിമ്പിള്‍ ആണ് വട്ടപ്പൊട്ട് എന്നതാണ് പെണ്‍കുട്ടികളെ ഈ മാറ്റത്തിലേക്ക് നയിക്കാന്‍ കാരണം. വസ്‌ത്രത്തിന്റെ നിറത്തിലുള്ള പൊട്ടുകള്‍ ലഭ്യമാണെങ്കിലും വെള്ളയും ചുവപ്പും നിറങ്ങളിലുള്ള വട്ടപ്പൊട്ടുകള്‍ക്കാണ് ഡിമാൻഡ്. കല്ലും മുത്തും പതിപ്പിച്ച വട്ടപ്പൊട്ടുകളും ലഭ്യമാണ്.