എന്തൊരു ടെന്‍ഷന്‍..വലിക്കണോ?

ടിപിസി

PRO

മാതാപിതാക്കള്‍ വളച്ചുകെട്ടി പറഞ്ഞിട്ടും പുകവലി നിര്‍ത്താത്തവരാണ് ഞങ്ങള്‍. അതിനാല്‍ തന്നെ ഇത്തരത്തിലുള്ള ഒരു നിരോധനം വന്നാല്‍ അത് ഞങ്ങള്‍ പുകവലി നിര്‍ത്താന്‍ കാരണമാവുമോ? ചോദിക്കുന്നത് മറ്റാരുമല്ല, കേരളത്തിലെ ഒരു പ്രശസ്തമായ എഞ്ചിനിയറിംഗ് കോളജിലെ ‘റഫ് ആന്‍ഡ് ടഫ്’ ഗ്യാംഗ്. ഇവരെല്ലാം പഴയ റഫ് ആന്‍ഡ് ടഫ് പരസ്യത്തില്‍ അക്ഷയ് കുമാര്‍ അവതരിച്ച പോലെ ‘റഫ്’ആയിത്തന്നെയാണ് ചോദ്യത്തോട് പ്രതികരിച്ചത്. അതിനാല്‍ തന്നെ അവരെ അവിശ്വസിക്കേണ്ട കാര്യമുണ്ടെന്നും തോന്നുന്നില്ല.

നിരോധനം ഒരാഴ്ച പോലും നീളില്ല എന്നാണ് കുറച്ചുകൂടി പ്രായം ചെന്ന ഒരു വിഭാഗം ഇതെ കുറിച്ച് പ്രതികരിച്ചത്. എന്തു തന്നെയായാലും ‘ചൊട്ടയിലെ ശീലം ചുടല വരെ’ എന്നാണ് വന്ദ്യ വയോധികരുടെ തീരുമാനം. വ്യാപാരികളാവട്ടെ, ‘സിഗരറ്റ് വില്‍ക്കുന്നത് നിരോധിക്കാന്‍ എന്താ ധൈര്യം പോരേ’ എന്ന മട്ടിലും പ്രതികരണം നടത്തി.

പുകവലി നിരോധനത്തെ എതിര്‍ക്കുന്നവര്‍ക്ക് പൊതുവെ പറയാനുള്ളത് മികച്ച രണ്ട് ഉദാഹരണങ്ങളാണ്- സ്പീഡ് ഗവര്‍ണര്‍, ഹെല്‍മറ്റ്. ഇവ നടപ്പാക്കാന്‍ ശ്രമിക്കുന്നതിലും മോശമായിരിക്കും പുകവലി നിരോധനത്തിന്‍റെ ഗതിയും എന്ന് പറഞ്ഞ് ഇവര്‍ ആശ്വസിക്കാന്‍ ശ്രമിക്കുന്നു.

PRATHAPA CHANDRAN|

വലിയന്‍‌മാര്‍ പുകച്ച് തള്ളുന്നത് ശ്വസിക്കാതെ ഇനിയുള്ള കാലം കഴിയാമെന്ന് ആശ്വസിക്കുകയാണ് കേരളത്തിലെ ഭൂരിഭാഗം വനിതകളും ഒപ്പം പുകവലിക്കാത്തവരും. എന്നാല്‍, നിരോധനം ഫലപ്രദമായി പ്രാവര്‍ത്തികമായില്ല എങ്കില്‍ നഷ്ടപ്പെടുന്നത് ഇവര്‍ക്ക് മാത്രമായിരിക്കില്ല വലിക്കുന്നവരുടെ ആരോഗ്യമുള്ള ഭാവി ജീവിതത്തിനു കൂടിയാണെന്ന് എത്ര സംശയാലുക്കള്‍ മനസ്സിലാക്കും?

ഇതിനെക്കുറിച്ച് കൂടുതല്‍ വായിക്കുക :

ടെന്ഷന്വലിക്കണോ പുകവലി നിരോധനം അന്പുമണി രാമദോസ് ഗാന്ധിജയന്തി ഹെല്മറ്റ് സ്പീഡ് ഗവര്ണര് ടി പ്രതാപചന്ദ്രന്