ഇന്ത്യന് ഉപഭൂഖണ്ഡത്തില് പത്രപ്രവര്ത്തനത്തിന്റെ മിന്നലാട്ടം ഉണ്ടാവുന്നത് 1766 ലാണെന്ന് പറയാം. ഇന്ത്യയില് അന്ന് അച്ചടിശാലകള് ഉണ്ടായിരുന്നില്ല. ബ്രിട്ടീഷുകാനും ഈസ്റ്റ് ഇന്ത്യാ കമ്പനിയുടെ ജോലിക്കാരനുമായിരുന്ന വില്യം ബോള്ട്സ് ഇന്ത്യയില് ഒരു അച്ചടിശാല സ്ഥാപിക്കുന്നതിനെ കുറിച്ച് അന്ന് ചിന്തിച്ചിരുന്നു.
ബോള്ട്സ് ഈസ്റ്റ് ഇന്ത്യാ കമ്പനിയുടെ പ്രവര്ത്തനത്തില് എതിരഭിപ്രായം ഉള്ള ആളായിരുന്നു. അതുകൊണ്ട് കമ്പനി അദ്ദേഹത്തെ ഇംഗ്ലണ്ടിലേക്ക് തിരിച്ചയച്ചു. അവിടെച്ചെന്ന് അദ്ദേഹം ഏതാണ്ട് 500 പേജുള്ള ഒരു പുസ്തകം അടിച്ചിറക്കി. അതില് ഈസ്റ്റ് ഇന്ത്യാ കമ്പനിയുടെ അഴിമതികളെ കുറിച്ചും അതുമൂലം ഇന്ത്യ ജനത അനുഭവിക്കേണ്ടി വരുന്ന കഷ്ടപ്പാടുകളെ കുറിച്ചും ഉള്ള യഥാര്ഥ വിവരണമായിരുന്നു.
ഇന്ത്യയില് പത്രരൂപത്തില് ഇറങ്ങേണ്ട കാര്യങ്ങള് അദ്ദേഹം പുസ്തക രൂപത്തില് പുറത്തിറക്കി എന്നുമാത്രം. അതിനു ശേഷം 1780 ലാണ് ജെയിംസ് അഗസ്റ്റസ് ഹിക്കി ബംഗാള് ഗസറ്റ് എന്ന പേരില് ഇംഗ്ലീഷ് പത്രം ആരംഭിക്കുന്നത്. നാലു പേജുള്ള പത്രത്തിന്റെ വലിപ്പം 12“ x 8“ ആയിരുന്നു.
T SASI MOHAN|
Last Modified ചൊവ്വ, 29 ജനുവരി 2008 (09:50 IST)