അഭിറാം മനോഹർ|
Last Modified ചൊവ്വ, 2 ജനുവരി 2024 (20:39 IST)
എന്ത് സംശയം തോന്നിയാലും ഗൂഗിളില്‍ തിരയുക എന്നുള്ളത് നമ്മുടെ ശീലങ്ങളില്‍ ഒന്നായി മാറിയിരിക്കുന്നു. അതിനാല്‍ തന്നെ ഒരു വര്‍ഷത്തില്‍ ഏറ്റവുമധികം ആളുകള്‍ എന്താണ് തിരെഞ്ഞത് എന്നുള്ള കാര്യങ്ങള്‍ വര്‍ഷം അവസാനിക്കുമ്പോള്‍ കമ്പനി പുറത്തുവിടാറുണ്ട്. 2023ല്‍ സെക്സുമായി ബന്ധപ്പെട്ട് ആളുകള്‍ എന്തെല്ലാമാണ് ഏറ്റവുമധികം സെര്‍ച്ച് ചെയ്തതെന്ന വിവരം പുറത്തുവിട്ടിരിക്കുകയാണ് ഗൂഗിള്‍.
എന്താണ് സ്പീഡ് ബമ്പ് പൊസിഷന്‍ എന്ന ചോദ്യമാണ് 2023ല്‍ സെക്സുമായി ബന്ധപ്പെട്ട് ഏറ്റവുമധികം ആളുകള്‍ ഗൂഗിളില്‍ തിരഞ്ഞത്. ലൗ ഐലന്‍ഡ് എന്ന റിയാലിറ്റി ഷോയ്ക്കിടെ ഒരു മത്സരാര്‍ഥി ഈ ചോദ്യം ഉന്നയിച്ചതോടെയാണ് ആളുകളില്‍ വിവരം ഗൂഗിളില്‍ തിരയാന്‍ കൂട്ടമായി എത്തിയത്. സെക്‌സ് പൊസിഷനുമായി ബന്ധപ്പെട്ട ചോദ്യമാണിത്. ഗര്‍ഭകാലത്ത് സെക്‌സ് സുരക്ഷിതമാണോ എന്ന ചോദ്യമാണ് പട്ടികയില്‍ ഇടം നേടിയ രണ്ടാമത്തെ ചോദ്യം.
ഡേറ്റിംഗ് എത്രകാലം കഴിഞ്ഞാല്‍ സെക്‌സില്‍ ഏര്‍പ്പെടാം? സെക്‌സ് ചെയ്യുമ്പോള്‍ എത്ര കലോറി ഊര്‍ജം നഷ്ടമാകും? ഗര്‍ഭം അലസി കഴിഞ്ഞാല്‍ എത്ര കാലം കഴിഞ്ഞ് സെക്‌സ് ചെയ്യാം? ഏനല്‍ സെക്‌സ് എന്നാല്‍ എന്ത്? മീന്‍ എങ്ങനെയാണ് സെക്‌സ് ചെയ്യുന്നത് എന്നിങ്ങനെയുള്ള ചോദ്യങ്ങളാണ് പട്ടികയില്‍ ഇടം പിടിച്ചിട്ടുള്ളത്.
