ടോയ്‌ലറ്റിനുള്ളില്‍ കയറിയ ഭര്‍ത്താവിനെ ഭാര്യ വെടിവെച്ചു; സംഭവത്തിന് പിന്നിലെ യുവതിയുടെ വാദം ഇങ്ങനെ

അമേരിക്ക| സജിത്ത്| Last Updated: ശനി, 13 ജനുവരി 2018 (12:02 IST)
ബാത്ത്‌റൂമിനുള്ളില്‍ കയറിയ ഭര്‍ത്താവിനെ ഭാര്യ വെടിവെച്ചു. തുടര്‍ന്ന് ഭര്‍ത്താവ് പൊലീസില്‍ വിളിച്ചറിയിച്ചതനുസരിച്ച് എത്തിയ പൊലീസാണ് ഈ ഒരു സംഭവം പുറത്ത് വിട്ടത്. അമേരിക്കയിലെ അരിസോണയിലാണ് വിചിത്രമായ സംഭവം നടന്നത്.

കഴിഞ്ഞ രണ്ട് ദിവസമായി എല്ലാകാര്യത്തിനും ഭാര്യ വീട്ടില്‍ വഴക്കുകൂടുകയാണെന്നും താന്‍ ടോയ്‌ലറ്റിനുള്ളില്‍ കയറിയ വേളയില്‍ പിന്നാലെ കയറിയ ഇവര്‍ തനിക്ക് നേരെ നിറയൊഴിക്കുകയായിരുന്നുവെന്നാണ് ഇയാള്‍ പൊലീസിനോട് പറഞ്ഞത്. എന്നാല്‍ വിചിത്രമായൊരു വാദമാണ് യുവതി പറഞ്ഞത്.

താന്‍ പറയുന്ന കാര്യങ്ങളൊന്നും ഭര്‍ത്താവ് കേള്‍ക്കുന്നില്ലെന്നും അതിനാല്‍ അദ്ദേഹത്തിന്റെ ശ്രദ്ധലഭിക്കാന്‍ വേണ്ടിയാണ് ഈ അക്രമം നടത്തിയതെന്നും ആവര്‍ പറഞ്ഞു. ഇദ്ദേഹത്തിന്റെ തലയില്‍ നിന്നും ഏഴ് ഇഞ്ച് മാറിയാണ് വെടിയുണ്ട ഭിത്തിയില്‍ പതിച്ചത്. യുവതിക്കെതിരെ പൊലീസ് കേസെടുത്തിട്ടുണ്ട്.


അനുബന്ധ വാര്‍ത്തകള്‍


ഇതിനെക്കുറിച്ച് കൂടുതല്‍ വായിക്കുക :