റെക്കോര്‍ഡുകള്‍ തകര്‍ക്കുകയും പുതിയത് സൃഷ്‌ടിക്കുകയും ചെയ്യുന്ന ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലിയുടെ മാരക പ്രകടനത്തില്‍ ക്രിക്കറ്റ് ലോകം ഒന്നടങ്കം അത്ഭുതപ്പെട്ടിരിക്കുന്നു. ശ്രീലങ്കയ്‌ക്കെതിരായ മൂന്നാം ടെസ്‌റ്റില്‍ കരിയറിലെ ആറാം ഡബിള്‍ സെഞ്ചുറി സ്വന്തമാക്കിയതോടെയാണ് ഇത്ര മനോഹരമായി എങ്ങനെ ബാറ്റ് ചെയ്യാന്‍ സാധിക്കുന്നു എന്ന ചോദ്യം കോഹ്‌ലിക്ക് നേര്‍ക്കുണ്ടായത്.

ചോദ്യം ശക്തമായതോടെ തന്റെ ടെസ്‌റ്റ് ബാറ്റിംഗ് രഹസ്യം കോഹ്‌ലി വെളിപ്പെടുത്തി. “സഹതാരമായ ചേതേശ്വര്‍ പൂജാരയുടെ ബാറ്റിംഗ് രീതിയാണ് തന്റെ പ്രകടനത്തില്‍ മാറ്റമുണ്ടാക്കിയത്. എത്ര നേരം വേണമെങ്കിലും ക്രീസില്‍ പിടിച്ചു നില്‍ക്കാനുള്ള അദ്ദേഹത്തിന്റെ മിടുക്കും ക്ഷമയും കണ്ടുപഠിക്കേണ്ടതാണ്. സെഞ്ചുറികള്‍ നേടുന്നതില്‍ പൂജാരയുടെ ബാറ്റിംഗാണ് തനിക്ക് പ്രചോദനമാകുന്നത് ”- എന്നും കോഹ്‌ലി പറഞ്ഞു.

ലങ്കയ്‌ക്കെതിരെ കരിയറിലെ ആറാം ഡബിള്‍ സെഞ്ചുറി കുറിച്ച കോഹ്‌ലി വിന്‍ഡീസ് ഇതിഹാസം ബ്രയന്‍ ലാറയുടെ പേരിലുണ്ടായിരുന്ന ടെസ്‌റ്റില്‍ അഞ്ച് ഇരട്ട സെഞ്ചുറിയെന്ന റെക്കോര്‍ഡും തകര്‍ത്തു. കഴിഞ്ഞ 17 മാസത്തിനിടെ ആറ് ഇരട്ട് സെഞ്ചുറികള്‍ സ്വന്തമാക്കിയ കോഹ്‌ലി ടെസ്‌റ്റില്‍ 5,000 റണ്‍സ് എന്ന നാഴികക്കല്ലും പിന്നിട്ടു.