രേണുക വേണു|
Last Modified ശനി, 29 ജൂണ്‍ 2024 (17:59 IST)
India vs South Africa, T20 World Cup 2024 Final: ട്വന്റി 20 ലോകകപ്പ് ഫൈനലിനു ബര്‍ബഡോസിലെ ബ്രിഡ്ജ്ടൗണില്‍ തുടക്കം. ടോസ് ലഭിച്ച ഇന്ത്യ ആദ്യം ബാറ്റ് ചെയ്യാന്‍ തീരുമാനിച്ചു. ബാറ്റിങ്ങിനു അനുകൂലമായ പിച്ച് ആണെന്നും മികച്ച ടോട്ടല്‍ ഉയര്‍ത്തുകയാണ് ലക്ഷ്യമെന്നും നായകന്‍ രോഹിത് ശര്‍മ പറഞ്ഞു.
കഴിഞ്ഞ കളിയിലെ പ്ലേയിങ് ഇലവനെ ഇന്ത്യ നിലനിര്‍ത്തി. മലയാളി താരം സഞ്ജു സാംസണ്‍ ഇലവനില്‍ ഇടം പിടിച്ചേക്കുമെന്ന് ആരാധകര്‍ പ്രതീക്ഷിച്ചിരുന്നെങ്കിലും ശിവം ദുബെയെ നിലനിര്‍ത്താന്‍ ഇന്ത്യ തീരുമാനിക്കുകയായിരുന്നു. വിരാട് കോലി തന്നെ രോഹിത് ശര്‍മയ്‌ക്കൊപ്പം ഓപ്പണ്‍ ചെയ്യും.
പ്ലേയിങ് ഇലവന്‍: രോഹിത് ശര്‍മ, വിരാട് കോലി, റിഷഭ് പന്ത്, സൂര്യകുമാര്‍ യാദവ്, ശിവം ദുബെ, ഹാര്‍ദിക് പാണ്ഡ്യ, രവീന്ദ്ര ജഡേജ, അക്ഷര്‍ പട്ടേല്‍, കുല്‍ദീപ് യാദവ്, അര്‍ഷ്ദീപ് സിങ്, ജസ്പ്രീത് ബുംറ
