തിരിച്ചുവരവിൽ കിരീടം സ്വന്തമാക്കി ധോണിപ്പട; വാട്സൺ മിന്നിച്ചു, സീസണിലെ മരണമാസ് മഹി തന്നെ!

തിങ്കള്‍, 28 മെയ് 2018 (08:27 IST)

ഐപിഎൽ പതിനൊന്നാം സീസണിൽ കിരീടം നേടി ചെന്നൈ സൂപ്പർ കിംഗ്സ്. സൺറൈസേഴ്സ് ഹൈദരാബാദിനെ അടിപടലം തുടച്ചുനീക്കുകയാണ് ധോണിയുടെ മഞ്ഞപ്പട ചെയ്തത്. ക്രിക്കറ്റ് പ്രേമികളെ ആവേശത്തിലാഴ്ത്തുന്ന പ്രകടനമായിരുന്നു മഞ്ഞപ്പട കാഴ്ച വെച്ചത്. 
 
സൺറൈസേഴ്സ് ഹൈദരാബാദ് ഉയർത്തിയ 179 റൺസ് വിജയ ലക്ഷ്യം രണ്ടു വിക്കറ്റ് നഷ്ടത്തിൽ 9 പന്തുകൾ ശേഷിക്കെയാണ് ചെന്നൈ മറികടന്നത്.ഷെയ്ൻ വാട്സണിന്റെ തകർപ്പൻ സെഞ്ച്വറിയാണ് ഹൈദരാബാദിനെ തകർത്തത്. ഈ സീസണിലെ രണ്ടാമത്തെ സെഞ്ച്വറിയാണ് വാട്സൺ‌ന്റെ. 
 
57 പന്തിൽ 11 ഫോറുകളും എട്ട് കൂറ്റൻ സിക്സറുമടിച്ച വാട്സൺ 117 റൺസുമായി പുറത്താകാതെ നിന്നു. ചെന്നൈക്ക് വേണ്ടി സുരേഷ് റെയ്ന 32 റൺസെടുത്തു പുറത്തായി. വാട്സണൊപ്പം 13 റൺസെടുത്ത അമ്പാട്ടി റായിഡു പുറത്താകാതെ നിന്നു.
 
ആദ്യം ബാറ്റ് ചെയ്ത ഹൈദരാബാദ് ആറുവിക്കറ്റ് നഷ്ടത്തിൽ 178 റൺസാണെടുത്തത്. ടോസ് നേടിയ ചെന്നൈ  ഹൈദരാബാദിനെ ബാറ്റിംഗിനയക്കുകയായിരുന്നു. യൂസഫ് പഠാന്റെയും കെയ്ൻ വില്യംസണിന്റെയും പ്രകടനമാണ് ഹൈദരാബാദിന് മികച്ച സ്കോർ സമ്മാനിച്ചത്. പക്ഷേ, ചെന്നൈപ്പടയ്ക്ക് മുന്നിൽ പതറി നിൽക്കാനേ ഹൈദരാബാദിനു കഴിഞ്ഞുള്ളു.
 
36ആം വയസിലും കുട്ടിക്രിക്കറ്റിനെ കയ്യിലിട്ട് അമ്മാനമാടിയ ചെന്നൈ സൂപ്പര്‍ കിങ്‌സ് ക്യാപ്റ്റന്‍ മഹേന്ദ്രസിങ് ധോണി തന്നെയാണ് ഈ സീസണിലെ മിന്നും താരം. ക്യാപറ്റൻ എന്ന നിലയിൽ ഈ സീസണിൽ നൂറിൽ നൂറ് മാർക്ക് തന്നെയാണ് ധോണിക്ക് നൽകുന്നത്. 
 
16 മത്സരങ്ങളില്‍ നിന്ന് 455 റണ്‍സെടുത്ത് തന്റെ ബാറ്റിന് ഇപ്പോഴും ചെറുപ്പമാണെന്ന് വീണ്ടും വീണ്ടും തെളിയിക്കുകയാണ് മഹി.  ഐപിഎല്ലില്‍ ഏറ്റവും കൂടുതല്‍ സ്റ്റമ്പിങ് നടത്തിയ താരമെന്ന റെക്കോർഡും ധോണി സ്വന്തം പേരിലേക്ക് ചേർത്തിരിക്കുകയാണ്. 



ഇതിനെക്കുറിച്ച് കൂടുതല്‍ വായിക്കുക :  

ക്രിക്കറ്റ്‌

news

ചെന്നൈയും ഹൈദരാബാദും ഏറ്റുമുട്ടുമ്പോള്‍ - ഐ പി എല്‍ ഫൈനലിനെക്കുറിച്ച് അറിയേണ്ടതെല്ലാം

മേയ് 27 ഞായറാഴ്ചയാണ് ഐ പി എല്‍ ക്രിക്കറ്റിന്‍റെ ഇത്തവണത്തെ കലാശപ്പോരാട്ടം. മുംബൈയിലെ ...

news

ധോണിക്ക് വേണ്ടി കിരീടം സ്വന്തമാക്കണം; ഫൈനലിന് മുമ്പേ ആവേശം നിറച്ച് റെയ്‌നയുടെ വാക്കുകള്‍

ഇത്തവണത്തെ ഐ പി എല്‍ കിരീടം ടീം നായകന്‍ മഹേന്ദ്ര സിംഗ് ധോണിക്കു വേണ്ടി സ്വന്തമാക്കണമെന്ന് ...

news

ഡിവില്ലിയേഴ്‌സിന്റെ വിരമിക്കല്‍; ക്രിക്കറ്റ് ലോകം കാത്തിരുന്ന കോഹ്‌ലിയുടെ സന്ദേശം പുറത്ത്

ക്രിക്കറ്റ് ലോകത്തെ നിരാശയിലാഴ്‌ത്തിയാണ് ദക്ഷിണാഫ്രിക്കന്‍ താരം എബി ഡിവില്ലിയേഴ്‌സ് തന്റെ ...

news

പുതിയ ഫോർമാറ്റായ 100 ബോൾ ക്രിക്കറ്റിലേക്ക് ചുവടുവെക്കാനൊരുങ്ങി ഇന്ത്യൻ താരങ്ങൾ

ക്രിക്കറ്റിലെ പുതിയ ഫോർമാറ്റായ 100 ബോൾ ക്രിക്കറ്റിലേക്ക് ഇന്ത്യൻ താരങ്ങളും ...

Widgets Magazine