നാല് മത്സരങ്ങളടങ്ങിയ ഇന്ത്യ- ദക്ഷിണാഫ്രിക്ക ടി20 പരമ്പരയിലെ നിര്‍ണായക മത്സരം ഇന്ന്. നാല് മത്സരങ്ങളുടെ പരമ്പരയില്‍ ഓരോ മത്സരങ്ങള്‍ വിജയിച്ചുകൊണ്ട് ഇരു ടീമുകളും നിലവില്‍ ഒപ്പത്തിനൊപ്പമാണ്. ആദ്യ മത്സരത്തില്‍ സഞ്ജു സാംസണിന്റെ വെടിക്കെട്ട് ബാറ്റിംഗിന്റെ മികവിലായിരുന്നു ഇന്ത്യന്‍ വിജയം. രണ്ടാം മത്സരത്തില്‍ വരുണ്‍ ചക്രവര്‍ത്തി തിളങ്ങിയെങ്കിലും മത്സരം വിജയിക്കാന്‍ ഇന്ത്യയ്ക്കായിരുന്നില്ല. മുന്‍നിര ബാറ്റര്‍മാര്‍ നിറം മങ്ങിയതാണ് ഇന്ത്യയെ പ്രതിസന്ധിയിലാക്കിയത്.

പേസിനും ബൗണ്‍സിനും പേരുകേട്ട പിച്ചാണ് സെഞ്ചൂറിയനിലേത് എങ്കിലും ഇവിടെ അവസാനമായി നടന്ന ടി20 മത്സരത്തില്‍ കൂറ്റന്‍ സ്‌കോറാണ് പിറന്നത്.
2023ല്‍ നടന്ന മത്സരത്തില്‍ 258 റണ്‍സായിരുന്നു വെസ്റ്റിന്‍ഡീസ് ദക്ഷിണാഫ്രിക്ക നേടിയത്. എന്നാല്‍ 7 പന്തുകള്‍ ബാക്കിനില്‍ക്കെ ദക്ഷിണാഫ്രിക്ക വിജയലക്ഷ്യം മറികടക്കുകയും ചെയ്തു. 35 സിക്‌സുകളാണ് മത്സരത്തില്‍ പിറന്നത്. 46 പന്തില്‍ 118 റണ്‍സുമായി ജോണ്‍സണ്‍ ചാള്‍സാണ് അന്ന് വെസ്റ്റിന്‍ഡീസ് നിരയില്‍ തിളങ്ങിയത്. ദക്ഷിണാഫ്രിക്കയ്ക്കായി ഓപ്പണര്‍ ക്വിന്റണ്‍ ഡികോക്ക് 44 പന്തില്‍ 100 റണ്‍സും റീസ ഹെന്റിക്‌സ് 28 പന്തില്‍ 68 റണ്‍സുമായും തിളങ്ങിയിരുന്നു.