ഓസ്ട്രേലിയക്കെതിരായ നാലാം ക്രിക്കറ്റ് ടെസ്‌റ്റില്‍ ഇന്ത്യ തിരിച്ചടിക്കുന്നു. ഒടുവില്‍ വിവരം ലഭിക്കുബോള്‍ ഇന്ത്യ 3വിക്കറ്റ് നഷ്ട്ത്തില്‍ 250 റണ്‍സെന്ന നിലയിലാണ്. വിരാട് കോ‌ഹ്‌ലി (101*) അജങ്ക്യാ രഹാനെ (9*) എന്നിവരാണ് ക്രീസില്‍.

ഓസീസ് ഉയര്‍ത്തിയ 572 റണ്‍സ് പിന്തുടര്‍ന്നിറങ്ങിയ ഇന്ത്യ യുവതാരം ലോകേഷ് രാഹുലിന്റെ (110) സെഞ്ചുറിയുടെ കരുത്തിലാണ് മുന്നേറിയത്. മൂന്നാം ദിനം ബാറ്റിംഗ് തുടര്‍ന്ന ഇന്ത്യ കരുതലോടെയാണ് തുടങ്ങിയത്. ക്രീസില്‍ നിലയുറപ്പിക്കാനായിരുന്നു രോഹിത് ശര്‍മ്മയുടെയും (53) രാഹുലിന്റെയും ശ്രമം. ഇതിനിടെ ടെസ്റ്റ് ക്രിക്കറ്റില്‍ കന്നി അര്‍ധ സെഞ്ചുറി കുറിക്കാനും രാഹുലിന് കഴിഞ്ഞു. 97 റണ്‍സിന്റെ കൂട്ടുക്കൊട്ട് ഉണ്ടാക്കിയ ശേഷമാണ് ഇരുവരും പിരിഞ്ഞത്. നാഥന്‍ ലിയോണിന് വിക്കറ്റ് സമ്മാനിച്ചാണ് രോഹിത് ശര്‍മ്മ കൂടാരം കയറിയത്.

ക്രീസില്‍ രാഹുലിന് കൂട്ടായി കോഹ്‌ലി എത്തിയതോടെ ഇന്ത്യ പതിയെ താളം കണ്ടെത്തുകയായിരുന്നു. മോശം പന്തുകളെ മാത്രം അതിര് കടത്തിയ കോഹ്‌ലി ക്രീസില്‍ നിലയുറപ്പിക്കുകയായിരുന്നു. ഇതിനിടെ രാഹുല്‍ ആദ്യ സെഞ്ചുറി തികയ്ക്കുകയും ചെയ്തു. അധികം വൈകാതെ തന്നെ മിച്ചല്‍ സ്‌റ്റാര്‍ക്കിന് വിക്കറ്റ് സമ്മാനിച്ച് രാഹുല്‍ മടങ്ങുകയും ചെയ്തു. ഇരുവരും ചേര്‍ന്ന് 141 റണ്‍സിന്റെ കൂട്ടുക്കെട്ടാണ്‍ ഉണ്ടാക്കിയത്.
റണ്‍സൊന്നുമെടുക്കാത്ത മുരളി വിജയ് രണ്ടാം ദിനം പുറത്തായത്. ആദ്യ രണ്ട് ടെസ്റ്റും ജയിച്ച ആസ്ട്രേലിയ നാലു മത്സരങ്ങളടങ്ങിയ പരമ്പര 2-0ന് ഇതിനകം തന്നെ സ്വന്തമാക്കിയിട്ടുണ്ട്.



മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും
ട്വിറ്ററിലും
പിന്തുടരുക.