വയസായ നായയുമായി താരതമ്യം ചെയ്‌തു; വിമര്‍ശകനെ പൊളിച്ചടുക്കി ഹര്‍ഭജന്റെ ട്വീറ്റ്
വയസന്‍ നായയുമായി താരതമ്യം ചെയ്‌തു; വിമര്‍ശകനെ പൊളിച്ചടുക്കി ഹര്‍ഭജന്റെ ട്വീറ്റ്
ന്യൂഡല്‍ഹി|
jibin|
Last Updated:
വ്യാഴം, 23 നവം‌ബര്‍ 2017 (13:08 IST)
ക്രിക്കറ്റിലെ താങ്കളുടെ നല്ല കാലം കഴിഞ്ഞുവെന്നും അതിനാല്‍ വിരമിക്കണമെന്നും ഉപദേശിച്ച വ്യക്തിക്ക് ചുട്ട മറുപടിയുമായി ഹര്‍ഭജന്‍ സിംഗ്. നോയല്‍ സ്മിത്ത് എന്നയാള്‍ക്കാണ് താരം രൂക്ഷമായ ഭാഷയില്‍ മറുപടി നല്‍കിയത്.
പരിശീലനം വീണ്ടും ആരംഭിച്ചതായി ചൂണ്ടിക്കാണിച്ചാണ് ഹര്‍ഭജന്‍ ട്വിറ്ററില്‍ പുതിയ ചിത്രം പങ്കുവച്ചതാണ് പ്രശ്‌നങ്ങള്‍ക്ക് തുടക്കമിട്ടത്. അന്താരാഷ്ട്ര ക്രിക്കറ്റില്‍ നിന്നും ഇനിയെങ്കിലും വിരമിക്കണമെന്നും താങ്കളുടെ നല്ല കാലം കഴിഞ്ഞുവെന്നുമായിരുന്നു നോയല്‍ സ്മിത്ത് ഭാജിക്ക് നല്‍കിയ ഉപദേശം.
“ പ്രായമായ നായയ്‌ക്ക് പുതിയ തന്ത്രങ്ങള്‍ പഠിക്കാന്‍ സാധിക്കില്ല. ഈ നല്ല സമയത്തു തന്നെ ക്രിക്കറ്റ് മതിയാക്കുന്നതാകും താങ്കള്‍ക്ക് നല്ലത്. മുന്‍ഗാമികളെപ്പോലെ നിങ്ങള്‍ മണ്ടത്തരം കാണിക്കാതിരിക്കണം. ക്രിക്കറ്റിലെ നിങ്ങളുടെ നല്ല ദിനങ്ങള്‍ കടന്നു പോയി കഴിഞ്ഞു ”- എന്നുമാണ് നോയല്‍ ട്വീറ്റ് ചെയ്‌തത്.
ആരാധകന്റെ ഉപദേശത്തില്‍ ഭാജി രൂക്ഷമായ ഭാഷയിലാണ് മറുപടി നല്‍കിയത്.
“ നിങ്ങളെ പോളുള്ളവര്‍ക്ക് പ്രായമായാല്‍ കുരയ്‌ക്കാന്‍ മാത്രമെ കഴിയു. ജീവിതത്തില്‍ ആര്‍ജ്ജിച്ചെടുത്ത ഈ നേട്ടം നിങ്ങള്‍ തുടര്‍ന്നും ചെയ്‌തു കൊള്ളുക. പുതിയ കാര്യങ്ങള്‍ പഠിച്ചെടുക്കാന്‍ മനസ് കാണിക്കാത്ത നിങ്ങള്‍ പരാജയപ്പെട്ടു കഴിഞ്ഞു. എല്ലാ ദിവസവും നമുക്ക് പുതിയ കാര്യങ്ങള്‍ സ്വായത്തമാക്കാന്‍ സാധിക്കും. നിങ്ങളുടെ വഴി മറ്റുള്ളവരെ പഠിപ്പിക്കാന്‍ ശ്രമിക്കാതിരിക്കൂ ”- എന്നുമായിരുന്നു ഹര്‍ഭജന്റെ ട്വീറ്റ്.
