ത്രിരാഷ്‌ട്ര പരമ്പരയുടെ ഫൈനലില്‍ ഇന്ത്യ എ ടീം ഓസ്‌ട്രേലിയ ടീമിനെ നേരിടുന്നു. ചെന്നൈ ചിദംബരം സ്റ്റേഡിയത്തില്‍ നടക്കുന്ന ഫൈനലില്‍ ടോസ് നേടിയ ഓസ്ട്രേലിയ ബാറ്റിംഗ് തെരഞ്ഞെടുത്തു. ദക്ഷിണാഫ്രിക്ക എയെ പരാജയപ്പെടുത്തിയാണ് ഇന്ത്യ എ ടീം ത്രിരാഷ്‌ട്ര പരമ്പരയുടെ ഫൈനലില്‍ കടന്നത്.

നിര്‍ണായ മത്സരത്തില്‍ ദക്ഷിണാഫ്രിക്കയെ 34 റണ്‍സിന് പരാജയപ്പെടുത്തിയ ഇന്ത്യ ബോണസ് പോയിന്റോടെയാണ് ഫൈനലിലേക്ക് പ്രവേശിച്ചത്.

ദക്ഷിണാഫ്രിക്കയ്ക്ക് എതിരെ നടന്ന മത്സരത്തില്‍ ടോസ് ലഭിച്ച ദക്ഷിണാഫ്രിക്ക ഇന്ത്യയെ ബാറ്റിംഗിന് അയയ്ക്കുകയായിരുന്നു. ആദ്യം ബാറ്റ് ചെയ്ത ഇന്ത്യ, മനീഷ് പാണ്ഡെ - അഗര്‍വാള്‍ കൂട്ടുകെട്ടില്‍ മികച്ച സ്കോര്‍ നേടിയതാണ് വിജയത്തിന് വഴിയൊരുക്കിയത്.

ദക്ഷിണാഫ്രിക്കയെയും ഇന്ത്യയെയും പരാജയപ്പെടുത്തി ഓസ്ട്രേലിയ എ നേരത്തെ തന്നെ ഫൈനലില്‍ കടന്നിരുന്നു.