ശ്രീലങ്കയുടെ ട്വന്റി20 ക്രിക്കറ്റ് ടീം നായകനും വിക്കറ്റ്‌ കീപ്പറുമായ ദിനേഷ് ചാന്ഡിമാല് ഐപിഎല്ലില്‍ കളിക്കാനുള്ള പുനെ വാറിയേഴ്‌സിന്റെ ക്ഷണം നിരസിച്ചു.
ചെന്നൈയില്‍ നടക്കുന്ന മത്സരങ്ങളില്‍ ലങ്കന്‍ താരങ്ങളെ കളിപ്പിക്കേണ്ടെന്ന ഐപിഎല്. സംഘാടക സമിതിയുടെ തീരുമാനത്തിന്റെ പശ്‌ചാത്തലത്തിലാണു ചാന്‍ഡിമാലിന്റെ നടപടി.
ലങ്കന്‍ താരങ്ങളെ തടയണമെന്നാവശ്യപ്പെട്ട്‌ രാജ്യത്തെ ബുദ്ധമതാനുയായികളുടെ ഗ്രൂപ്പുകള്‍ എസ്‌.എല്‍.സിയില്‍ നിരന്തര സമ്മര്‍ദം ചെലുത്തിയിരുന്നു. കളിക്കാര്‍ ഇന്ത്യയിലേക്കു പോകുകയാണെങ്കില്‍ കടുത്ത നടപടികള്‍ നേരിടുമെന്ന്‌ ബുദ്ധമതാനുയായികളുടെ പ്രമുഖ സംഘടനയായ രാവണ ഫോഴ്‌സ്‌ മുന്നറിയിപ്പു നല്‍കിയിരുന്നു.
