സംസ്ഥാനത്തെ കൊവിഡ് സ്ഥിരീകരണ നിരക്കായി ടിപിആർ വീണ്ടും അപകടകരമായ നിലയിൽ. രോഗതീവ്രതയിലും ആശുപത്രിയിലെത്തുന്നവരുടെ എണ്ണത്തിലും വർധനവില്ലെങ്കിലും സംസ്ഥാനത്തെ മുഴുവൻ ജില്ലകളിലും ടിപിആർ 20 ശതമാനത്തിന് കൂടുതലാണ്. ഏറ്റവുമധികം ടിപിആർ എറണാകുളം ജില്ലയിലാണ്(35%). സംസ്ഥാനത്താകെ ടിപിആർ നിരക്ക് 28.25% ആണ്.

ലോകാരോഗ്യസംഘടനയുടെ അഭിപ്രായപ്രകാരം ടിപിആർ നിരക്ക് 5 ശതമാനത്തിൽ താഴെയാണ് വരേണ്ടത്. 10 ശതമാനത്തിൽ കൂടുതലെങ്കിൽ അത് സമൂഹവ്യാപന സൂചനയാണ്. നിലവിൽ ഇന്ത്യയിൽ 5.5 % ആണ് ടിപിആർ. ഡൽഹി കഴിഞ്ഞാൽ കേരളമാണ് ടിപിആർ കണക്കിൽ രാജ്യത്ത് മുന്നിലുള്ളത്.