മമ്മൂട്ടി കൊച്ചിയിലെത്തുമ്പോള്‍ എന്ത് സംഭവിക്കും?!

ചൊവ്വ, 9 ഒക്‌ടോബര്‍ 2018 (17:26 IST)

മമ്മൂട്ടി, കൊച്ചി, ഡീന്‍ ഡെന്നിസ്, യാത്ര, Mammootty, Kochi, Dean Dennis, Yatra

മമ്മൂട്ടി എപ്പോഴും പരീക്ഷണങ്ങള്‍ക്ക് പിന്നാലെയാണ്. പുതിയ പുതിയ കഥകള്‍ക്ക്, പുതിയ സംവിധായകര്‍ക്ക്, പുതുമകള്‍ക്ക് എല്ലാമാണ് അദ്ദേഹം സമയം നീക്കിവയ്ക്കുന്നത്. ഓരോ വര്‍ഷവും മമ്മൂട്ടിയുടെ ഡേറ്റ് ലഭിക്കുന്നത് എത്ര പുതുമുഖ സംവിധായകര്‍ക്കാണ്!
 
മമ്മൂട്ടി ഈ വര്‍ഷം അവതരിപ്പിക്കുന്ന പുതുമുഖങ്ങളുടെ കൂട്ടത്തില്‍ പ്രശസ്ത തിരക്കഥാകൃത്ത് കലൂര്‍ ഡെന്നിസിന്‍റെ മകനുമുണ്ട്. കലൂര്‍ ഡെന്നിസിന്‍റെ മകന്‍ ഡീന്‍ ഡെന്നിസ് ആദ്യമായി സംവിധാനം ചെയ്യുന്ന ചിത്രം ഡിസംബറില്‍ ചിത്രീകരണം ആരംഭിക്കും.
 
സഞ്ചാരപ്രിയനായ വിനോദ് മേനോന്‍ എന്ന കഥാപാത്രത്തെയാണ് മമ്മൂട്ടി ഈ സിനിമയില്‍ അവതരിപ്പിക്കുന്നത്. കൊച്ചിയിലെത്തുന്ന വിനോദ് മേനോന്‍റെ ജീവിതത്തില്‍ അപ്രതീക്ഷിതമായി ഒരു സംഭവമുണ്ടാകുന്നു. അതേത്തുടര്‍ന്ന് അയാളുടെ ജീവിതം സഞ്ചരിക്കുന്ന ഇടങ്ങളിലൂടെയാണ് സിനിമയുടെ വികാസം.
 
ഒരു ഗെയിം ത്രില്ലര്‍ ഫോര്‍മാറ്റിലാണ് ഈ സിനിമയുടെ തിരക്കഥ രൂപപ്പെടുത്തിയിരിക്കുന്നത്. ഈ രീതിയില്‍ മലയാളത്തില്‍ അപൂര്‍വ്വം സിനിമകളേ സംഭവിച്ചിട്ടുള്ളൂ. കഥയുടെ ഓരോ ഘട്ടത്തിലും അഴിയുന്തോറും മുറുകുന്ന കുരുക്കുകള്‍ അടുക്കിവച്ചാണ് ഡീന്‍ ഡെന്നിസ് തിരക്കഥയെഴുതിയിരിക്കുന്നത്. 
 
ഗോകുലം ഗോപാലന്‍ നിര്‍മ്മിക്കുന്ന ഈ ബിഗ് ബജറ്റ് ചിത്രത്തില്‍ തമിഴിലെ ഒരു യുവതാരവും പ്രധാന വേഷത്തിലെത്തും. തമിഴില്‍ നിന്നുതന്നെയായിരിക്കും മമ്മൂട്ടിയുടെ നായികയും എന്നാണ് റിപ്പോര്‍ട്ടുകള്‍. മമ്മൂട്ടിയുടെ ബ്രഹ്‌മാണ്ഡചിത്രമായ പഴശ്ശിരാജ നിര്‍മ്മിച്ചത് ശ്രീ ഗോകുലം ഫിലിംസായിരുന്നു. 
 
മറ്റ് പ്രൊജക്ടുകളില്‍ മമ്മൂട്ടി ബിസി ആയതുകൊണ്ടാണ് ചിത്രീകരണം ഡിസംബര്‍ വരെ നീണ്ടുപോകുന്നത്. കൊച്ചിയും ബംഗലൂരുവുമായിരിക്കും പ്രധാന ലൊക്കേഷനുകള്‍.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

‘ലൈംഗിക പീഡനമോ? ഞാനോ? ഓർമയില്ലല്ലോ...’- ടെസ് ജോഫസിന്റെ ആരോപണം ചിരിച്ചുതള്ളി മുകേഷ്

ടെലിവിഷന്‍ കാസ്റ്റിംഗ് ഡയറക്ടര്‍ ടെസ് ജോസഫിന്റെ ലൈംഗികാരോപണത്തെ ചിരിച്ചു തള്ളുന്നുവെന്ന് ...

news

സബ് ഇൻസ്‌പെക്ടർ മണി ഓൺ ഡ്യൂട്ടി!- മമ്മൂട്ടി തകർക്കും!

കൈ നിറയെ ചിത്രങ്ങളുമായി മലയാളത്തിന്റെ മെഗാസ്‌റ്റാർ തിരക്കിലാണ്. അനുരാഗ കരിക്കിൻ വള്ളം ...

news

അത് നടക്കില്ല, സംവിധായകൻ ഉറപ്പിച്ചു- മമ്മൂട്ടിക്കും മോഹൻലാലിനും ഇതെന്തു പറ്റി?

മമ്മൂട്ടിയും മോഹൻലാലും നിരവധി സിനിമകളിൽ ഒരുമിച്ചഭിനയിച്ചിട്ടുണ്ട്. ജോഷി സംവിധാനം ചെയ്ത ...

news

ലൂസിഫറിൽ മോഹൻലാൽ വില്ലൻ !

പൃഥ്വിരാജ് സംവിധാനം ചെയ്യുന്ന മോഹൻലാൽ ചിത്രം ലൂസിഫറിന്റെ ചിത്രീകരണം പുരോഗമിക്കുകയാണ്. 50 ...

Widgets Magazine