കെ ആര്‍ അനൂപ്|
Last Modified വ്യാഴം, 27 ജൂണ്‍ 2024 (15:22 IST)
നാഗ് അശ്വിന്റെ ഏറെ പ്രതീക്ഷയോടെ കാത്തിരിക്കുന്ന സയന്‍സ് ഫിക്ഷന്‍ ചിത്രം 'കല്‍ക്കി 2898 എഡി', തിയേറ്ററുകളില്‍ എത്തി. മികച്ച താരനിരയും കൗതുകമുണര്‍ത്തുന്ന കഥാഗതിയും കൊണ്ട് പ്രേക്ഷകരെ ആകര്‍ഷിക്കാന്‍ സിനിമയ്ക്കായി. മികച്ച പ്രതികരണങ്ങളാണ് ആദ്യം മുതലേ ലഭിക്കുന്നത്.
ചിത്രം ഇതിനോടകം തന്നെ കേരളത്തില്‍ തരംഗം സൃഷ്ടിച്ച് മുന്നേറുകയാണ്, പ്രീ-സെയില്‍സ് 75 ലക്ഷം കടന്നതായി റിപ്പോര്‍ട്ടുണ്ട്.
മലയാളത്തിന്റെ ജനപ്രിയ താരങ്ങളായ ശോഭനയും അന്ന ബെനും പ്രധാന വേഷങ്ങളില്‍ എത്തുന്നതും പ്രേക്ഷകരെ തിയറ്ററുകളില്‍ എത്തിച്ചു. ചിത്രം ആദ്യ ദിനം ആഗോളതലത്തില്‍ 200 കോടി കളക്ഷന്‍ നേടി, 2024 -ലെ ഏറ്റവും വലിയ ഓപ്പണിങ് കളക്ഷന്‍ നേടിയ ചിത്രമായി മാറും.
ഇന്ത്യയില്‍ മാത്രം, ചിത്രം 120-140 കോടി രൂപ ആദ്യ ദിനത്തില്‍ നേടുമെന്ന് പ്രതീക്ഷിക്കുന്നു, ഈ വര്‍ഷം വേറൊരു സിനിമയും ഈ നേട്ടത്തില്‍ എത്തിയിട്ടില്ല.
