ജയ് ഗണേഷ് എന്ന തന്റെ പുതിയ സിനിമയില്‍ ഏതെങ്കിലും രാഷ്ട്രീയ പാര്‍ട്ടിയേയോ മതത്തെയോ പിന്തുണയ്ക്കുന്ന ഒരു ഡയലോഗ് പോലുമില്ലെന്ന് നടന്‍ ഉണ്ണി മുകുന്ദന്‍. ഉണ്ടെന്ന് തെളിയിച്ചാല്‍ ഈ പണി അവസാനിപ്പിക്കാമെന്നും ഉണ്ണി മുകുന്ദന്‍ പറഞ്ഞു. ജയ് ഗണേഷിന്റെ ഗള്‍ഫ് റിലീസുമായി ബന്ധപ്പെട്ട് ദുബായില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു ഉണ്ണി.

ഒരു സിനിമയുടെ പേരില്‍ അതിനെ വിധിയെഴുതുന്നത് ശരിയാണോ എന്ന കാര്യം മാധ്യമങ്ങള്‍ ചര്‍ച്ച ചെയ്യണം. സൂപ്പര്‍ താരങ്ങള്‍ക്ക് പോലും രാഷ്ട്രീയമുണ്ട്. അവരെ നേരിടാന്‍ ആര്‍ക്കും ധൈര്യമില്ല. ഞാനാകെ ചെയ്തത് ഇന്ത്യന്‍ പ്രധാനമന്ത്രി വിളിച്ചപ്പോള്‍ ആ പരിപാടിയില്‍ പങ്കെടുത്തു എന്നത് മാത്രമാണ്. ഉണ്ണി മുകുന്ദന്‍ പറഞ്ഞു