ബോക്‌സ്ഓഫീസില്‍ നില മെച്ചപ്പെടുത്തി ജയ് ഗണേഷ്. ഏപ്രില്‍ 11 ന് റിലീസ് ചെയ്ത ചിത്രം വിഷു ദിനമായ ഇന്നലെ 60 ലക്ഷത്തിനു മുകളില്‍ കളക്ട് ചെയ്തു. ആദ്യ മൂന്ന് ദിവസത്തെ ബോക്‌സ്ഓഫീസ് പ്രകടനത്തേക്കാള്‍ ഭേദപ്പെട്ടതാണ് ഇന്നലെത്തെ കണക്കുകള്‍.

റിലീസ് ദിനത്തിലും അതിനു ശേഷമുള്ള ദിവസങ്ങളിലും വെറും 50 ലക്ഷമാണ് ജയ് ഗണേഷിനു ലഭിച്ചത്. നാലാം ദിനത്തിലേക്ക് എത്തിയപ്പോള്‍ കളക്ഷന്‍ അല്‍പ്പം ഉയര്‍ന്നു. ബുക്ക് മൈ ഷോയിലും ജയ് ഗണേഷിന് മോശമല്ലാത്ത ബുക്കിങ് ഉണ്ട്. കഴിഞ്ഞ 24 മണിക്കൂറില്‍ 15,000 ത്തിനു അടുത്ത് ടിക്കറ്റുകള്‍ ബുക്ക് മൈ ഷോ വഴി വിറ്റു പോയി. ആദ്യ മൂന്ന് ദിവസം പതിനായിരത്തില്‍ താഴെ ടിക്കറ്റുകള്‍ മാത്രമാണ് ബുക്ക് മൈ ഷോയില്‍ വിറ്റു പോയത്.

അതേസമയം ഒന്നര ആഴ്ച മുന്‍പ് റിലീസ് ചെയ്ത ആടുജീവിതത്തിന്റെ കളക്ഷന്‍ പോലും ജയ് ഗണേഷിന് നാലാം ദിവസം ലഭിച്ചിട്ടില്ല. വിഷു ദിനമായ ഇന്നലെ ആവേശവും വര്‍ഷങ്ങള്‍ക്കു ശേഷവുമാണ് യഥാക്രമം ആദ്യ രണ്ട് സ്ഥാനത്ത്. ആടുജീവിതം മൂന്നാമതും ജയ് ഗണേഷ് നാലാമതുമാണ്.