മറുകുകൾ പറയും ആ രഹസ്യങ്ങൾ

ചൊവ്വ, 22 മെയ് 2018 (11:00 IST)

മറുകുകൾ സൗന്ദര്യത്തിന്റെ രഹസ്യമാണെന്ന് പഴമക്കാർ പറയാറുണ്ട്. എന്നാൽ ഇന്നത്തെ കാലത്ത് അധികം ആരുംതന്നെ മറുകിന് വലിയ പ്രാധാന്യം നൽകാറില്ല. എന്നാൽ ഇവയ്‌ക്ക് നമ്മുടെ ജീവിതവുമായി വലിയ ബന്ധമുണ്ടെന്ന് ജ്യോതിശാസ്‌ത്രം പറയുന്നു. ശരീരത്തിന്റെ ഓരോ ഭാഗത്തുള്ള മറുകിനും ഓരോ പ്രത്യേകതയുണ്ടത്രേ. ചിലർ ശരീരത്തിലുണ്ടാകുന്ന കറുത്ത് കുത്തുകളെ മറുകെന്ന് പറയുന്നുണ്ട്. ജനിക്കുമ്പോൾ തന്നെ നമ്മുടെ ശരീരത്തിൽ കാണപ്പെടുന്നതാണ് മറുകുകൾ ഇത് മരണം വരെ ശരീരത്ത് ഉണ്ടാകുകയും ചെയ്യും. ഇവ നമ്മുടെ സ്വഭാവസവിശേഷതകളും ഭാവിയുമെല്ലാം വെളിപ്പെടുത്താൻ സഹായിക്കുമെന്നാണ് ജ്യോതിശാസ്‌ത്രം പറയുന്നത്. ഓരോ മറുകിനും ഓരോ പ്രത്യേകതയുണ്ട്. അവ എന്താണെന്ന് നോക്കാം...
 
തലയിലെ മറുക്
 
തലയുടെ നെറുകെയിൽ വലത് ഭാഗത്ത് മറുകുള്ളവർ രാഷ്‌ട്രീയത്തിൽ മികച്ച ഭാവിയുള്ളവരാണെന്നാണ് ജ്യോതിശാസ്‌ത്രം പറയുന്നത്. പച്ചയോ ചുവപ്പോ മറുകുള്ളവർ മന്ത്രിയാകാൻ യോഗമുള്ളവരാണ്. ജീവിതത്തിൽ ഇവർക്ക് വെച്ചടി വെച്ചടി കയറ്റമായിരിക്കും.
 
കഴുത്ത് 
 
സാധാരണയായി കഴുത്തിലെ മറുക് താലീയോഗത്തിനാണെന്ന് സ്‌ത്രീകളെ അപേക്ഷിച്ച് പൊതുവെ പറയാറുണ്ട്. എന്നാൽ ജ്യോതിഷ പറയുന്നത് കോപമധികമുള്ളവരും എപ്പോഴും വഴക്കുണ്ടാക്കുന്നവരുമാണ് കഴുത്തിന് പുറകിൽ മറുകുള്ളവർ എന്നാണ്. മുൻകഴുത്തിൽ മറുകുള്ളവർ മധുരമായ ശബ്ദത്തിനുടമകളും കലാപരമായ കഴിവുകൾ ഉള്ളവരുമായിരിക്കും. വിവാഹശേഷം ഇവരുടെ  ജീവിതം സുഖകരമായിരിക്കും.
 
നെറ്റിത്തടം 
 
നെറ്റിത്തടത്തിലെ, വലതുവശത്തെ മറുക് ധനത്തെ സൂചിപ്പിക്കുന്നു. സമൂഹത്തിൽ നല്ലപേരുള്ള ഇവർ ധനവാന്മാരുമായിരിക്കും. എന്നാൽ നെറ്റിത്തടത്തിൽ ഇടതു ഭാഗത്തു മറുകുള്ളവർ സ്വാർത്ഥരും മറ്റുള്ളവരോട് ദയാവായ്പോടെ പെരുമാറാത്തവരുമായിരിക്കും. മറ്റുള്ളവരിൽ നിന്ന് യാതൊരു ബഹുമാനവും ഇയാൾക്ക് ലഭിക്കുകയില്ല. 
 
നെറ്റിക്കിരുവശവും 
 
നെറ്റിയുടെ വലതു വശത്തു മറുകുള്ളവർ ചെറുപ്രായത്തിൽ തന്നെ വിവാഹിതരാകുകയും സുന്ദരിയായ ഭാര്യയെ സ്വന്തമാക്കുന്നവരുമായിരിക്കും. വിവാഹവും ധനവും അപ്രതീക്ഷിതമായി കൈവരുന്നവരാണ് നെറ്റിയുടെ ഇടതുവശത്തു മറുകുള്ളവർ. ബിസിനസിൽ ഇവർക്ക് നഷ്ടം സംഭവിക്കാൻ സാധ്യത കൂടുതലാണ്.
 
ചുണ്ടുകൾ
 
മുകൾ ചുണ്ടിൽ മറുകുള്ളവർ എല്ലാവരും ഇഷ്‌ടപ്പെടുന്നവരായിരിക്കും. സ്ത്രീകളോടും ആഡംബര വസ്തുക്കളോടും അതീവ താല്പര്യമുള്ളവരായിരിക്കും. കീഴ്ചുണ്ടിൽ മറുകുള്ളവർ നല്ല ഭക്ഷണത്തോട് താല്പര്യമുള്ളവരായിരിക്കും.
 
കൺപോളകൾ 
 
വലതുഭാഗത്തെ കൺപോളയിലെ മറുക് ധനത്തെയാണ് സൂചിപ്പിക്കുന്നു. സ്വയം വലിയവനാണെന്ന ഒരു തോന്നലുള്ളവരാണ് ഇവർ. ഇടതുഭാഗത്തു മറുകുള്ളവർ വളരെ സാധാരണമായ ജീവിതം നയിക്കുന്നവരായിരിക്കും. ഇക്കൂട്ടർക്ക് പണത്തിനു അപര്യാപ്തത അനുഭവപ്പെടാറുണ്ട്.
 
കണ്ണുകൾ 
 
ഇടതു കണ്ണിൽ മറുള്ളവർ ഒരു അഹങ്കാരിയും പരസ്ത്രീബന്ധത്തിലേർപ്പെടുന്നവനുമായിരിക്കും. വലതുകണ്ണിൽ മറുകുള്ളവർ എളുപ്പത്തിൽ ധനം സമ്പാദിക്കുന്നവരാണ്.
 
മൂക്ക് 
 
മുൻകോപം കൂടുതലുള്ളവരും പെട്ടെന്ന് ചിന്തിക്കുന്നവരുമായിരിക്കും ഇവർ. മൂക്കിന്റെ വലതുഭാഗത്താണ് മറുകെങ്കിൽ, ചെറിയ പരിശ്രമം കൊണ്ട് പെട്ടെന്ന് ധനം സമ്പാദിക്കാനാകും. ഇടതു ഭാഗത്തെ മറുക്, മോശം ഫലങ്ങളാണ് നൽകുക.
 
ചെവികൾ 
 
ചെവികളിൽ മറുക് ആഡംബരത്തെ സൂചിപ്പിക്കുന്നതാണ്. ധൈര്യശാലികളായിരിക്കും . ചെവിയുടെ പിൻഭാഗത്ത് മറുകുള്ളവർ, ആചാരങ്ങൾ അതേപടി പാലിക്കുന്നവരും ഉയർന്ന കുടുംബത്തിൽ നിന്ന് പങ്കാളിയെ സ്വന്തമാക്കാനുള്ള യോഗമുള്ളവരുമാണ്.



ഇതിനെക്കുറിച്ച് കൂടുതല്‍ വായിക്കുക :  

ജ്യോതിഷം

news

മരിച്ചവരെല്ലാം ഒരേ സ്ഥലത്തേക്കാണോ പോകുന്നത്?

മരണവും മരണാനന്തര ജീവിതവും എന്നും മനുഷ്യന്റെ ഏറ്റവും വലിയ ചോദ്യങ്ങളാണ്. ഇതു വരെ ഉത്തരം ...

news

വെളുത്ത കുതിരയെ സ്വപ്നം കാണുന്നുണ്ടോ? കിടപ്പു മുറിയുടെ ജനാലയ്ക്ക് വിപരീതമായി കാക്ക പറക്കുന്നുണ്ടോ? - സംഗതി ആകെ പ്രശ്നമാണല്ലോ!‌

ജനിച്ചാല്‍ എല്ലാവര്‍ക്കും അനിവാര്യമായ ഒന്നാണ് മരണം. എത്രയൊക്കെ ധൈര്യശാലിയാണെന്ന് താനെന്ന് ...

news

എന്താണ് ഗജകേസരിയോഗം?; ഇതിനു ആനയുമായി ബന്ധമുണ്ടോ ?

സിനിമകളിലും മറ്റും കേട്ടു പഴക്കമുള്ള വാക്കാണ് ഗജകേസരിയോഗം. എന്നാല്‍ എന്താണ് ഈ വാക്കില്‍ ...

news

വാസ്‌തു ശാസ്‌ത്രം പറയും ഗൃഹാരംഭത്തിന് അനുയോജ്യമായ ദിവസങ്ങൾ

എല്ലാ ശുഭകാര്യങ്ങൾക്കും സമയം നോക്കുന്നവരാണ് നമ്മൾ. ഏറ്റവും പ്രധാനമായി നോക്കുന്നത് ...

Widgets Magazine