ക്ഷേത്രത്തിന്‍റെ മധ്യഭാഗത്തും മുമ്പിലും ശിവ ഭഗവാന്‍ ശിവകാമ സുന്ദരിക്കൊപ്പം (പാര്‍വതി) ഭക്തര്‍ക്ക് അനുഗ്രഹം ചൊരിയുന്നു. ഒരു പരമ്പരാഗത കുടുംബമാണ് നടരാജ ക്ഷേത്രം പരിപാലിച്ചു പോരുന്നത്. ശിവക്ഷേത്രമാണെങ്കിലും ഗോവിന്ദഭഗവാനും ഇവിടെ സന്നിധി ഒരുക്കിയിരിക്കുന്നു. അതിനാല്‍, ശിവനെയും ഗോവിന്ദനെയും ഒരുക്ഷേത്രത്തില്‍ തന്നെ ദര്‍ശിക്കാമെന്ന ഭാഗ്യവും ഭക്തര്‍ക്ക് ലഭിക്കും.
ക്ഷേത്രത്തിലെ ആയിരംകാലുകളുള്ള നൃത്ത മന്ദിരം ഭാരതമൊട്ടാകെ കേഴ്‌വികേട്ടതാണ്. ഇവിടെ നൃത്തം അവതരിപ്പിക്കുന്നതിനാല്‍ നടരാജ മൂര്‍ത്തിയുടെ അനുഗ്രഹം ലഭ്യമാവുമെന്നാണ് നൃത്തോപാസകര്‍ കരുതുന്നത്. മനോഹരമായ ക്ഷേത്രക്കുളവും ഇവിടുത്തെ ആകര്‍ഷണങ്ങളില്‍ ഒന്നാണ്.
എത്തിച്ചേരാന്‍
ട്രെയിനില്‍ പോകുവാന്‍ ആഗ്രഹിക്കുന്നവര്‍ക്ക് ചെന്നൈയില്‍ നിന്ന് 245 കിലോമീറ്റര്‍ സഞ്ചരിച്ചാല്‍ മതിയാവും. ചെന്നൈ-തഞ്ചാവൂര്‍ റൂട്ടിലാണ് ചിദംബരം ക്ഷേത്രം. റോഡുമാര്‍ഗ്ഗമാണെങ്കില്‍ ചെന്നൈയില്‍ നിന്ന് അഞ്ച് മണിക്കൂര്‍ യാത്രചെയ്താല്‍ മതി. ചെന്നൈ വിമാനത്താവളമാണ് ഏറ്റവും അടുത്തുള്ളത്.
|
അഭിപ്രായങ്ങളും പ്രതികരണങ്ങളും
