ടാരറ്റ് കാര്‍ഡുകള്‍ | സൂര്യരാശി ഫലങ്ങള്‍ | പ്രത്യേക പ്രവചനം | സംഖ്യാ ജ്യോതിഷം | ഫെങ്ങ്‌ ഷൂയി | വാസ്തു | വ്യക്തികള്‍ വാര്‍ത്തകള്‍ | പ്രശസ്തരുടെ ജാതകം
പ്രധാന താള്‍ 
ആത്മീയം » ജ്യോതിഷം » ഫെങ്ങ്‌ ഷൂയി » പൂ-തായ് ഭാഗ്യം കൊണ്ടു വരുമോ ? (Will pu-thai bring luck)
ആത്മീയം » ജ്യോതിഷം » ഫെങ്ങ്‌ ഷൂയി » പൂ-തായ് ഭാഗ്യം കൊണ്ടു വരുമോ ? (Will pu-thai bring luck)
Feedback
Print
പൂ-തായ് ഭാഗ്യം കൊണ്ടു വരുമോ ? 
ശനി, 10 ഒക്‍ടോബര്‍ 2009( 15:42 IST )
PRO
ആരാണ് മലയാളിയെപ്പോലെ കുടവയര്‍ കാട്ടി ചിരിക്കുന്ന ഈ അപ്പൂപ്പന്‍. ഏകദേശം 1,000 വര്‍ഷം മുമ്പ്‌ ചൈനയില്‍ ജീവിച്ചുവെന്നു കരുതുന്ന ബുദ്ധഭിക്ഷുവാണ്‌ ഈ കുടവയറന്‍. 'തുണി സഞ്ചി' എന്ന്‌ അര്‍ത്ഥമുള്ള 'പൂ-തായ്' എന്ന്‌ ആളുകള്‍ അദ്ദേഹത്തിന്‌ ചെല്ലപ്പേരിട്ടു. കുട്ടികള്‍ക്കുളള മിഠായി നിറഞ്ഞ തുണിസഞ്ചിയുമായി ഊരുചുറ്റുന്ന ഈ നാടോടി അപ്പൂപ്പന്‍ എല്ലായ്പ്പോഴും ഉല്ലാസവാനായിരുന്നു.
താന്‍ പറയുന്നത്‌ കേള്‍ക്കുകയും ഉപദേശങ്ങള്‍ സ്വീകരിക്കുകയും ചെയ്യുന്നവരോട്‌ അദ്ദേഹത്തിന്‌ ഏറെ ഇഷ്ടമുണ്ടായിരുന്നു. കാലാവസ്ഥ പ്രവചിക്കുന്നതില്‍ പൂ-തായിക്കുള്ള കഴിവായിരുന്നു അപാരം. അദ്ദേഹം വള്ളിച്ചെരുപ്പിട്ടു വന്നാല്‍ എത്ര വെയിലുണ്ടാവട്ടെ പൊടുന്നനെ മാനം ഇരുണ്ടു കറുക്കും. അന്ന്‌ മഴപെയ്യും. തലയില്‍ തൊപ്പിയുമായാണ്‌ പൂ-തായി എത്തുന്നതെങ്കില്‍ അന്ന്‌ താരതമ്യേന ചൂട്‌ കൂടുതലായിരിയ്ക്കും.
മറ്റുള്ളവരെ ബോധ്യപ്പെടുത്താനായിരുന്നു പൂ-തായി ഇങ്ങനെ പ്രത്യക്ഷപ്പെട്ടിരുന്നത്‌. കാരണം മഴയോ, മഞ്ഞോ, വെയിലോ ഒന്നും അദ്ദേഹത്തിലെ സഞ്ചാരിയ്ക്ക്‌ ബാധകമല്ലായിരുന്നു. ചിലപ്പോള്‍ നല്ല കൊടും തണുപ്പത്ത്‌ മഞ്ഞിന്‍റെ മുകളിലേക്കിറക്കിവച്ച വയറുമായി പൂ-തായി ഉറങ്ങുന്നതു കാണാം.
ഒരിക്കല്‍ ഒരു അമ്പലത്തിന്റെ വാതിലിനരികെ പൂ-തായ് മരിച്ചു കിടന്നു. വാസ്തവത്തില്‍ കിടക്കുകയായിരുന്നില്ല ഇരിക്കുന്ന നിലയിലായിരുന്നു മൃതദേഹം. ബുദ്ധ മൈത്രേയന്റെ പ്രത്യക്ഷവത്ക്കരണമാണ്‌ താനെന്ന്‌ അറിയിക്കുന്ന ഒരു കുറിപ്പ്‌ അദ്ദേഹത്തിന്റെ മൃതദേഹത്തിനരികില്‍ കണ്ടു. ചൈനയിലെ ഹാഷ്‌ ഷോയുവിലെ ലിന്‍ജിന്‍ പ്രവിശ്യയില്‍ അതിപുരാതനമായ ഒരു ക്ഷേത്രത്തില്‍ അദ്ദേഹത്തിന്റെ പ്രതിമ സ്ഥാപി‍ച്ചു . അതിനു താഴെ ഇങ്ങനെ എഴുതിയിരുന്നു.
"ഈ കുടവയര്‍ ലോകത്തെ എല്ലാ അസഹിഷ്ണുതയും ഉള്ളിലടക്കാന്‍"
"ഈ വായ സ്വര്‍ഗത്തിനു കീഴിലുള്ള എല്ലാ പൊങ്ങച്ചങ്ങളും കണ്ടു ചിരിക്കാന്‍."
പൊങ്ങച്ചങ്ങള്‍ക്കു നേരെ തൊള്ള തുറന്ന്‌ ചിരിച്ച്‌, കുടവയര്‍ കാട്ടി, ഐശ്വര്യം കൊണ്ടുവരുന്ന ഈ മുത്തശ്ശന്‍ ചില്ലറക്കാരനല്ലെന്ന് മനസ്സിലായില്ലെ.