റൂര്ക്കല|
WEBDUNIA|
Last Modified ശനി, 15 മെയ് 2010 (17:57 IST)
ഭാര്യയും ഭര്‍ത്താവും തമ്മിലുള്ള വഴക്ക് നാല് മാസം മാത്രം പ്രായമുള്ള മകളുടെ കൊലപാതകത്തില്‍ കലാശിച്ചു. റൂര്‍ക്കലയ്ക്ക് അടുത്ത് ഹോറ്റിന്‍ ഗ്രാമത്തിലാണ് കഴിഞ്ഞ ദിവസം പൈശാചികമായ സംഭവം അരങ്ങേറിയത്.
ഭാര്യയുമായുള്ള വഴക്കിന്റെ അവസാനം ഫക്കീര്‍ പത്രയെന്ന രാജുവാണ് സ്വന്തം മകളെ അതിക്രൂരമായി കൊലപ്പെടുത്തിയത്. ഫക്കീറും ഭാര്യ ജെമ മുണ്ടയും തമ്മില്‍ വഴക്കിടുക പതിവായിരുന്നു. അടുത്തസമയത്ത് ഉണ്ടായ വഴക്കിനെ തുടര്‍ന്ന് ജെമ മാതാപിതാക്കളുടെ വീട്ടിലേക്ക് പോയി.
കഴിഞ്ഞ ദിവസം വൈകിട്ട് ജെമയെ തിരക്കി അവരുടെ സ്വഗൃഹത്തില്‍ ചെന്ന ഫക്കീറും ഭാര്യയുമായി വീണ്ടുംവഴക്കിട്ടു. വഴക്കിനെ തുടര്‍ന്ന് കോപാകുലനായ ഫക്കീര്‍ കുട്ടിയെ എടുത്ത് അടുത്തുള്ള വനപ്രദേശത്ത് കൊണ്ടുചെന്ന് മണ്ണെണ്ണയൊഴിച്ച് തീ കത്തിക്കുകയായിരുന്നു.
കുട്ടിയുടെ കത്തിക്കരിഞ്ഞ ശരീരഭാഗങ്ങള്‍ പൊലീസ് ശനിയാഴ്ച രാവിലെ കണ്ടെത്തി. ഫക്കീര്‍ ഇപ്പോള്‍ പൊലീസ് കസ്റ്റഡിയിലാണ്.
