സിനിമാ രംഗത്ത് വിലക്ക് വന്നതിന് തൊട്ടു പിന്നാലെ നടന് തിലകന് സീരിയല് അഭിനയിക്കുന്നതിനും വിലക്ക്. ‘മറ്റൊരുവള്’ എന്ന സീരിയലില് നിന്നാണ് തിലകനെ ഒഴിവാക്കിയത്. സീരിയല് താരങ്ങളുടെ സംഘടനയായ ‘ആത്മ’യുടെ നിര്ദ്ദേശ പ്രകാരമാണ് തിലകനെ സീരിയലില് നിന്ന് ഒഴിവാക്കിയിരിക്കുന്നത്. അമ്മയുടെ വിലക്കുള്ളയാളെ സീരിയലുമായി സഹകരിപ്പിക്കാന് കഴിയില്ലെന്ന് ‘ആത്മ’ നേതാവ് പൂജപ്പുര രാധാകൃഷ്ണന് പറഞ്ഞു
‘മറ്റൊരുവള്’ എന്ന സീരിയലിന്റെ ഷൂട്ടിംഗ് ഇന്ന് കോവളത്ത് വെച്ച് നടക്കാനിരിക്കുകയായിരുന്നു. ഇന്നലെ രാത്രി സീരിയല് നിര്മ്മാതാവ് ഇക്കാര്യം വിളിച്ച് പറയുകയും ചെയ്തിരുന്നു. എന്നാല്, ഇന്നലെ രാത്രി വൈകി തിലകനെ സീരിയലില് നിന്ന് ഒഴിവാക്കിയതായി നിര്മ്മാതാവ് അറിയിക്കുകയായിരുന്നു. സീരിയല് താരങ്ങളുടെ സംഘടനയായ ‘ആത്മ’ ജനറല് സെക്രട്ടറി പൂജപ്പുര രാധാകൃഷ്ണന്റെ നിര്ദ്ദേശപ്രകാരമായിരുന്നു സീരിയല് നിര്മ്മാതാവ് തിലകനെ വിളിച്ച് ഇക്കാര്യം അറിയിച്ചത്.
സൂര്യ ടി വിയില് പ്രക്ഷേപണം ചെയ്തു വരുന്ന സീരിയലാണ് ‘മറ്റൊരുവള്’. വാണി വിശ്വനാഥ് മുഖ്യകഥാപാത്രമായിട്ടുള്ള സീരിയലില് പ്രധാന വേഷമായിരുന്നു തിലകന് കൈകാര്യം ചെയ്തിരുന്നത്. കഴിഞ്ഞ ദിവസം തിലകന് തന്നെ സിനിമയില് നിന്ന് ഒഴിവാക്കിയതിനെതിരെയും അമ്മയ്ക്കെതിരെയും ലേബര് കമ്മീഷണറുടെ മുമ്പാകെ തെളിവ് നല്കിയിരുന്നു. ഇതിനു പിന്നാലെയാണ് കെ ബി ഗണേഷ് കുമാര് പ്രസിഡന്റായ ‘ആത്മ’യുടെ വിലക്ക.