മലയാളത്തിലെ ജനപ്രിയ സംവിധായകന്‍ സത്യന് അന്തിക്കാടിന് ഇന്ന് 54 തികയുന്നു.ജീവിത്ഗന്ധിയായ ഒട്ടേറെ സിനിമകള്‍ കൊണ്ട് മലയാളിയുടെ മനസ്സില്‍ കുടിയേറിയ ആളാണ് സത്യന്. ശുദ്ധമായ നര്‍മ്മം കലാമര്‍മ്മമാക്കിയ വ്യക്തിയാണദ്ദേഹം.
എന്നാല്‍ അടുത്തകാലത്ത് സത്യന് ചുവടു പിഴയ്ക്കുന്നു എന്നാണ് പ്രേക്ഷകരുടെ വിലയിരുത്തല്‍. സൌന്ദര്യയും ജയറാമും അഭിനയിച്ച യാത്രക്കാരുടെ ശ്രദ്ധയ്ക്ക്, ഉര്‍വശിയും മീരാജാസ്മിനും അഭിനയിച്ച അച്ചുവിന്റെ അമ്മ എന്നിവയായിരുന്നു സത്യന്‍റെ ഒടുവിലത്തെ മികച്ച ചിത്രങ്ങള്‍.
ജയറാമിനെ നായകനാക്കി സത്യന് അന്തിക്കാട് വീണ്ടും ചിത്രം ഒരുക്കുന്നു. രാജേഷ് ജയരാമന്റെ കഥയ്ക്ക് സത്യന് അന്തിക്കാട് തന്നെയാണു തിരക്കഥയെഴുതി സംവിധാനം നിര്‍വഹിക്കുന്നത്.
കുട്ടനാടന്‍ ഗ്രാമപശ്ചാത്തലമുള്ള സിനിമ മനസ്സിനക്കരെയ്ക്കുശേഷം ഇരുവരും ഒന്നിക്കുന്ന ചിത്രം കൂടിയാണ്. ഈ സിനിമക്ക് മറ്റൊരു പ്രത്യേകത കൂടിയുണ്ട്. 'അച്ചുവിന്റെ അമ്മ'യ്ക്കുശേഷം രാജേഷ് ജയരാമന്റെ കഥയില്‍ സത്യന് ഒരുക്കുന്ന ചിത്രമാണിത്.
സത്യന് അന്തിക്കാട് സംവിധാനം ചെയ്ത ചിത്രങ്ങളില്‍ വലിയ വിജയം നേടിയ ഒരു ചിത്രമാണ് രസതന്ത്രമാണ്. മോഹന്‍ലാലും മീരാ ജാസ്മിനും ആദ്യമായി നായികാനായകന്‍മാരായി അഭിനയിച്ച ഈ ചിത്രത്തിലെ സത്യന്-ലാല്‍-മീര ടീമിന്റെ രസതന്ത്രം പ്രേക്ഷകര്‍ക്കു നന്നേ ഇഷ്ടപ്പെട്ടു.
