ഇൻഡോർ: ഗുരുതരമായി പരുക്കേറ്റ പുലിയെ രക്ഷപ്പെടുത്തി വനം വകുപ്പ് ഉദ്യോസ്ഥർ. മധ്യപ്രദേശിലെ ഉൻഡോറിൽ കാമ്പൽ ഗ്രാമത്തിലാണ് സംഭവം. രണ്ട് ഉദ്യോഗസ്ഥർ ചേർന്ന് പരുക്കേറ്റ പുലിയെ കൂട്ടിലാക്കാൻ പരിശ്രമിയ്ക്കുന്നതിന്റെ വീഡിയോ ഇപ്പോൾ സാമൂഹ്യ മാധ്യമങ്ങളിൽ തരംഗമാകുന്നുണ്ട്. വാർത്താ ഏജൻസിയായ എഎൻഐയാണ് വീഡിയോ പുറത്തുവിട്ടത്.

മറ്റൊരു പുലിയുമായുണ്ടായ ആക്രമണത്തിൽ ഇതിന് സാരമായി പരിക്കേറ്റിരുന്നു. രാത്രിയില്‍ കാട്ടിലൂടെ നീങ്ങുകയായിരുന്ന പുലിയെ പിടികൂടി കൂട്ടിലാക്കി ചികിത്സ നൽകുകയായിരുന്നു. രണ്ട് ഉദ്യോഗസ്ഥർ ചേർന്ന് സാവധാനത്തിൽ അതിസമര്‍ത്ഥമായാണ് പരുക്കേറ്റ പുലിയെ കൂട്ടിലാക്കിയത്. മറ്റൊരു ഉദ്യോഗസ്ഥന്‍ സംഭവം മൊബൈല്‍ ഫോണില്‍ ചിത്രീകരിയ്ക്കുകയായിരുന്നു