ബെംഗളുരു: ആളുകൾ കാൽനടയായി എത്തുന്ന ബെല്ലാരിയിൽ ക്ഷേത്രത്തിൽ 2018ൽ ഹെലികോപ്റ്ററിൽ സന്ദർശനം നടത്തിതിന് പ്രായശ്ചിത്തമായി വെള്ളികൊണ്ടുള്ള ഹെലികോ‌പറ്റർ രൂപം ക്ഷേത്രത്തിൽ സമർപ്പിച്ച് കർണാടക കോൺഗ്രസ്സ് അധ്യക്ഷൻ ഡി കെ ശിവകുമാർ. ഹൂവിനഹദഗലി മൈലാർലിംഗേശ്വര ക്ഷേത്രത്തിലാണ് ഡി കെ ശിവകുമാർ വെള്ളിയിൽ തീർത്ത ഹെലികോ‌പ്റ്റർ രൂപം സമർപ്പിച്ചത്.

വർഷംതോറും ആളുകൾ പദയാത്രയായി എത്തുന്ന ക്ഷേത്രത്തിന് മുകളിലൂടെ പറന്നതിനാലാണ് ആദായനികുതി റെയ്ഡ് ഉൾപ്പടെയുള്ള പ്രശ്നങ്ങൾ ഉണ്ടാകാൻ കാരണമായത് എന്ന് പാർട്ടി പ്രവർത്തകരിൽ ചിലർ വിശ്വസിയ്ക്കുന്നുണ്ടെന്നും പ്രവർത്തകരിൽ ഒരാൾ നൽകിയ ഹെലി‌കോപ്റ്റർ രൂപമാണ് ക്ഷേത്രത്തിൽ സമർപ്പിച്ചത് എന്നും ഡികെ ശിവകുമാർ പറഞ്ഞു.