ലോകത്തിലെ സമ്പന്നരില്‍ സമ്പന്നര്‍. അവരുടെ ജീവിതത്തില്‍ എല്ലാമുണ്ട്. ഭാര്യയൊഴിച്ച്! മൈക്രോസോഫ്റ്റ് സ്ഥാപകരിലൊരാളായ പോള്‍ അലനാണ് ലോകത്തെ ഏറ്റവും സമ്പന്നനായ ബാച്ചിലര്. 60കാരനായ അദ്ദേഹത്തിന്റെ സമ്പാദ്യം 1500 കോടി ഡോളറിലേറെയാണ്. സിയാറ്റിലിലെ മെഴ്സര്‍ ദ്വീപിലാണ് അദ്ദേഹം കഴിയുന്നത്.
ആഗോള സമ്പാദ്യ അവലോകന കമ്പനിയായ വെല്‍ത്ത്-എക്സ് ആണ് സമ്പന്നരായ അവിവാഹിതരുടെ പട്ടിക പുറത്തുവിട്ടത്. ഇറ്റാലിയന്‍ ഫാഷന്‍ ഡിസൈനറായ ജോര്‍ജിയോ അര്‍മാനിയാണ് പട്ടികയില്‍ രണ്ടാമന്‍. 79കാരനാണ് അദ്ദേഹം.
അമേരിക്കന്‍ ബാസ്കറ്റ് ബോള്‍ ടീമായ ബ്രൂക്ക്ലിന്‍ നെറ്റ്സ് ഉടമ മിഖായില്‍ പ്രോകറോവാണ് മൂന്നാം സ്ഥാനത്ത്. ഫ്രഞ്ച് വ്യവസായി സേവിയര്‍ നെയില്‍(46) നാലാം സ്ഥാനം നേടിയപ്പോള്‍ ഡ്രീംവര്‍ക്സ് ആനിമേഷന്‍ എസ്കെജിയുടെ സ്ഥാപകരില്‍ ഒരാളായ ഡേവിഡ് ലോറന്‍സ് ജെഫ്ഫെന്‍ ആണ് അഞ്ചാമത്.
