രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ എ ടി എമ്മുകൾ വഴി പിൻ‌വലിക്കാവുന്ന പണത്തിന്റെ പരിധി കുറച്ചു. ദിവസേന പിൻ‌വലിക്കാവുന്ന പരിധി 40,000 രൂപയില്‍ നിന്നും 20,000 രൂപയിലേക്കാണ് കുറച്ചിരിക്കുന്നത്. നടപടി ഒക്ടോബര്‍ 31 ബുധനാഴ്ച മുതൽ പ്രാബല്യത്തില്‍ വരും.

ഏ ടി എമ്മുകൾ വഴിയുള്ള തട്ടിപ്പ് വർധിക്കുന്ന പശ്ചാത്തലത്തിലും ഡിജിറ്റൽ പണമിടപട് രംഗത്തേക്ക് കൂടുതൽ ഉപഭോക്തക്കാളെ എത്തിക്കുന്നത് ലക്ഷ്യം വച്ചുകൂടിയാണ് ബാങ്കിന്റെ പുതിയ നടപടി. കൂടുതൽ പണം പിൻ‌പലിക്കാവുന്ന സുരക്ഷിതമായ കാർഡ് ഓപ്ഷനുകളും ബാങ്ക് വാഗ്ദാനം ചെയ്യുന്നുണ്ട്.

കൂടുതൽ പണം എ ടി എം വഴി പിൻ‌വലിക്കേണ്ടവർക്ക് ക്ലാസിക്, മാസ്റ്റെറോ കാർഡുകളിലേക്ക് മാറാം. മിക്കവരും ചെറിയ തുക മാത്രമാണ് എടി എമ്മുകളിലൂടെ പി‌വലിക്കുന്നത് എന്നും അതിനാൽ തന്നെ ഉപഭോക്താക്കളെ പുതിയ തീരുമാനം ബധിക്കില്ല എന്നും എസ് ബി ഐ മാനേജിംഗ് ഡയറക്ടര്‍ പി കെ ഗുപ്ത നേരത്തെ പറഞ്ഞു.