ജിയോയുടെ കടന്നുകയറ്റത്തിനെതിരെ നിരവധി ഓഫറുകളുമായി മത്സരിക്കുകയാണ് രാജ്യത്തെ എല്ലാ പ്രമുഖ ടെലികോം കമ്പനികളും. ഇപ്പോള്‍ ഇതാ ടെലികോം വിപണിയില്‍ വീണ്ടും തരംഗം സൃഷ്ടിക്കാന്‍ വോഡഫോണ്‍ തയ്യാറെടുക്കുന്നു. ഇതിനായി ഏഴു രൂപയുടെ പുതിയ ഡേറ്റാ പ്ലാനാണ് ഇപ്പോള്‍ കമ്പനി അവതരിപ്പിച്ചിരിക്കുന്നത്.

സൂപ്പര്‍ ഹവര്‍ എന്നു പേരിട്ടിരിക്കുന്ന പ്ലാനില്‍ പ്രീപെയ്ഡ് ഉപഭോക്താക്കള്‍ക്ക് ഏഴു രൂപയുടെ റീ ചാര്‍ജില്‍ ഒരു മണിക്കൂര്‍ നേരത്തേക്ക് പരിധിയില്ലാതെ 4ജി/3ജി ഡാറ്റ ആസ്വദിക്കാന്‍ കഴിയും. അതോടൊപ്പം തന്നെ വോഡഫോണ്‍ നെറ്റ്‌വര്‍ക്കിനുള്ളില്‍ 60 മിനിറ്റ് സംസാരസമയവും ലഭ്യമാകും.