ഓഹരിവിപണി സൂചികകളായ സെൻസെക്‌സും നിഫ്‌റ്റിയും സർവകാല റെക്കോർഡിൽ ക്ലോസ് ചെയ്‌തു. പ്രതിദിന കൊവിഡ് കണക്കുകളിൽ കുത്തനെ കുറവുണ്ടായതും രാജ്യത്തിന്റെ വിവിധ ഭാഗങ്ങൾ അൺലോക്കിലേക്ക് നീങ്ങിയതുമാണ് വിപണിയിൽ ഉണർവുണ്ടാക്കിയത്.

സെൻസെക്‌സ് 221.52 പോയന്റ് നേട്ടത്തിൽ 52,773.05ലും നിഫ്റ്റി 57.40 പോയന്റ് ഉയർന്ന് 15,869.30ലുമാണ് വ്യാപാരം അവസാനിപ്പിച്ചത്. ഓയിൽ ആൻഡ് ഗ്യാസ്, ബാങ്ക്, ഐടി, റിയാൽറ്റി സൂചികകളാണ് പ്രധാനമായും നേട്ടമുണ്ടാക്കിയത്. ഫാർമ, മെറ്റൽ, പൊതുമേഖല ബാങ്ക്, പവർ മേഖലകൾ നഷ്ടംനേരിട്ടു.