40 മിനിറ്റു വൈകി തുടങ്ങിയ മത്സരത്തില്‍ ഫെഡറര്‍ തകര്‍പ്പന്‍ വിജയം നേടുകയായിരുന്നു. ഫ്രഞ്ച് ഓപ്പണ്‍ ഫൈനലില്‍ റാഫേല്‍ നദാലിനോടു കീഴടങ്ങിയ ഫെഡറര്‍ ഒരു പിഴവു പോലും മത്സരത്തില്‍ വരുത്തിയില്ല. മൂന്നാം സീഡ് അമേരിക്കയുടെ ആന്‍ഡി റോഡിക്കിനും ആദ്യ റൌണ്ടില്‍ വിജയം നേടാനായി.
നാട്ടുകാരനായ ഗിമെത്സ്റ്റാബിനെ 6-1, 7-5, 7-6 നു കീഴടക്കുകയായിരുന്നു. ക്വീന്‍സ് ക്ലബ്ബ് ചാമ്പ്യന്‍ വലിയ ആയാസമില്ലാതെ വിജയം നേടിയെടുക്കുകയായിരുന്നു. വിംബിള്‍ഡണിലെ പുരുഷ മത്സരങ്ങളില്‍ ആദ്യമായി ഹാവ്ക്ക് ഐ റീപ്ലേ സംവിധാനം ഏര്‍പ്പെടുത്തിയ മത്സരം കൂടിയായിരുന്നു ഇത്.
പതിനേഴാം സീഡ് ഡേവിഡ് ഫെററര്‍ അര്‍ജന്‍റീനയുടെ സെര്‍ജിയോ റോയിറ്റ്മാനെ 6-3, 6-3, 6-1 എന്ന സ്കോറിനും ഫ്രാന്‍സിന്‍റെ പോള്‍ ഹെന്‍‌റി 7-6, 6-2, 6-2 എന്ന സ്‌കോറിന് റെഡക്ക് സ്റ്റെഫാനെക്കിനെയും പരാജയപ്പെടുത്തി. ടോമി ഹാസ് 6-3, 6-4, 6-2 ന് അമേരിക്കയുടെ ശാക്ക് ഫ്ലെഷ് മാനെയും പരാജയപ്പെടുത്തി.
