മുപ്പത്തിനാലാമത് ദേശീയ ഗെയിംസില്‍ സര്വ്വീസസ് ഓവറോള്‍ ചാമ്പ്യന്മാരായി. ഇത് രണ്ടാം തവണയാണ് സര്വ്വീസസ് ഓവറോള്‍ കിരീടം സ്വന്തമാക്കുന്നത്.
62 സ്വര്‍ണവും 46 വെള്ളിയും 38 വെങ്കലവും നേടിയാണ്‌ സര്വ്വീസസ് ഇത്തവണ ചാമ്പ്യന്‍മാരായത്‌. മണിപ്പൂരും മഹാരാഷ്ട്രയും രണ്ടും മൂന്നും സ്ഥാനങ്ങള്‍ നേടി. കേരളത്തിന്‌ ഇത്തവണ ആറാംസ്ഥാനം കൊണ്ട് തൃപ്തിപ്പെടേണ്ടി വന്നു. കഴിഞ്ഞ ഗെയിംസില്‍ നാലാം സ്ഥാനത്തായിരുന്നു കേരളം.
അവസാനദിവസമായ ഇന്ന് ദേശീയ ഗെയിംസില്‍ വനിതകളുടെ 72 കിലോമീറ്റര്‍ സൈക്ലിംഗ്‌ വിഭാഗത്തില്‍ കേരളം സ്വര്‍ണം നേടി. കേരളത്തിനു വേണ്ടി മഹിതാ മോഹനാണ്‌ സുവര്‍ണനേട്ടം കരസ്ഥമാക്കിയത്‌. ഇതേ വിഭാഗം മല്‍സരത്തില്‍ കേരളം വെങ്കലവും വെള്ളിയും സ്വന്തമാക്കി. കേരളത്തിനു വേണ്ടി പാര്‍വതി വെള്ളിയും ദീപ വെങ്കലവും സ്വന്തമാക്കി.
