ചെന്നൈ|
WEBDUNIA|
Last Modified ബുധന്‍, 2 ജനുവരി 2013 (11:08 IST)
PRO
PRO
ചെന്നൈ ഓപ്പണ് ടെന്നീസ്‌ ടൂര്‍ണമെന്റില്‍ നിന്ന് ലിയന്‍ഡര്‍ പെയ്സ് സഖ്യം പുറത്ത്. ചെന്നൈ ഓപ്പണില്‍ നിലവിലെ ചാമ്പ്യന്‍‌മാരായിരുന്നു പെയ്സ് സഖ്യം. തായ്‌ലന്‍ഡിന്റെ സാന്‍ചയ്‌ രതിവാന- സന്‍ചത്‌ രതിവാന സഖ്യമാണ് പെയ്സ് സഖ്യത്തെ പുറത്താക്കിയത്. ഫ്രാന്‍സിന്റെ എഡ്വേര്‍ഡ്‌ റോജര്‍ വാസെലിന്‍ ആയിരുന്നു പെയ്സിന്റെ ജോഡി.
മഹേഷ്‌ ഭൂപതിക്കൊപ്പം അഞ്ചു തവണ ചെന്നൈ ഓപ്പണ് ഡബിള്‍സ്‌ കിരീടം സ്വന്തമാക്കിയിട്ടുള്ള പെയ്സ് കഴിഞ്ഞ വര്‍ഷം സെര്‍ബിയയുടെ ജാങ്കോ ടിപ്സെരാവിച്ചിനൊപ്പമാണ്‌ ഡബിള്‍സ്‌ കിരീടം സ്വന്തമാക്കിയത്‌.
രണ്ടാം സെറ്റില്‍ സമ്പൂര്‍ണ ആധിപത്യത്തോടെയാണ്‌ തായ്‌ സഹോദരന്‍മാര്‍ പെയ്സ് സഖ്യത്തെ കെട്ടുകെട്ടിച്ചത്‌. 2008ലെ ചെന്നൈ ഡബിള്‍സ്‌ ചാമ്പ്യന്‍മാരാണ്‌ രതിവാന സഹോദരന്‍മാര്‍.
