ഏറ്റവും വിലയേറിയ താരം എന്ന ബഹുമതി ഇനി ഗാരത്ത് ബേലിന്. 6 വര്‍ഷത്തെ കരാറില്‍ 86 മില്യണ്‍ പൗണ്ടിലാണ് ബേലിനെ സ്പാനിഷ് ക്ലബായ റയല്‍ മാഡ്രിഡാണ് വാങ്ങിയത്. ഇതോടെ ക്രിസ്റ്റ്യാനോ റൊണാല്‍ഡോയുടെ 80 മില്യണ്‍ പൗണ്ടെന്ന റെക്കോര്‍ഡാണ് ബേല് മറികടന്നത്.
മെഡിക്കല്‍ ടെസ്റ്റ് കൂടി പൂര്‍ത്തിയാക്കുന്നതോടെ ബേലിന് ഏറ്റവും വിലയേറിയ താരമെന്ന പുതിയ ലോക റെക്കോര്‍ഡ് സ്ഥാപിക്കാനാകും. മെഡിക്കല്‍ ടെസ്റ്റു കൂടി പൂര്‍ത്തിയാക്കിയ ശേഷം ഇന്ന് സാന്റിയോഗോ ബര്‍സാനിബിയോ സ്‌റ്റേഡിയത്തില്‍ ബേല് ആരാധകരെ അഭിസംബോധന ചെയ്യും.
ഇംഗ്ലീഷ് ക്ലബായ ടോട്ടന്‍ഹാം ഹോട്ട്‌സ്പറിന്റെ താരമായ ഗാരത്ത് ബേല് 2007 മേയിലാണ് സൗത്ത്ആംപ്ടനില്‍ നിന്ന് ഹോട്ട്‌സ്പറിലേക്ക് വരുന്നത്. ബേലിന്റെ ക്ലബ് മാറ്റം ഇരുക്ലബുകളും സ്ഥിരീകരിച്ചു.
