പതിനൊന്നാം കിരീട നേട്ടത്തില്‍ സാനിയ മിര്‍സ - മാര്‍ട്ടിന ഹിംഗിസ് സഖ്യം. സിഡ്നി ഇന്‍റര്‍നാഷനല്‍ വനിത ഡബിള്‍സില്‍ കരോലിന്‍ ഗ്രാഷ്യ - ക്രിസ്റ്റിന മ്ളാഡെനോവിച് സഖ്യത്തെ പരാജയപ്പെടുത്തിയാണ് പതിനൊന്നാം കിരീടം സാനിയ - ഹിംഗിസ് സഖ്യം സ്വന്തമാക്കിയത്.

ഒന്നാം സെറ്റില്‍ ദയനീയമായി തോല്‍ക്കുകയും രണ്ടാം സെറ്റില്‍ 1-4ന് പിന്തള്ളപ്പെടുകയും ചെയ്ത ശേഷമാണ് ഉജ്ജ്വലമായ തിരിച്ചുവരവിലൂടെ കിരീടമണിഞ്ഞത്. സ്കോര്‍ 1-6, 7- 5, 10-5. സഖ്യത്തിന്റെ സീസണിലെ രണ്ടാം കിരീട നേട്ടമാണിത്.

2015ല്‍ ഗ്രാന്‍ഡ്‌സ്ലാം ഉള്‍പ്പെടെ ഒമ്പത് ചാമ്പ്യന്‍ഷിപ്പില്‍ ജേതാവായിരുന്നു. വനിത ഡബിള്‍സില്‍ തുടര്‍ വിജയക്കുതിപ്പ് 30ല്‍ എത്തിച്ച് ലോകറെക്കോഡിന് കൂടുതല്‍ ശക്തി പകര്‍ന്നു.