ന്യൂഡല്‍ഹി|
AISWARYA|
Last Modified വ്യാഴം, 3 ഓഗസ്റ്റ് 2017 (11:41 IST)
കേരളത്തിലെ പിണറായി വിജയന്‍ സര്‍ക്കാറിനും സിപിഐഎമ്മിനുമെതിരെ രൂക്ഷവിമര്‍ശനവുമായി ബിജെപി എംപി മീനാക്ഷി ലേഖി. ‘ദൈവത്തിന്റെ സ്വന്തം നാടായ കേരളം, ദൈവം കൈവിട്ട നാടായി‘ എന്നാണ് അവര്‍ പറഞ്ഞത്. ലോകസഭയിലാണ്
മീനാക്ഷി ലേഖി ഇത്തരത്തിലൊരു രൂക്ഷവിമര്‍ശനമുന്നയിച്ചത്.
രാഷ്ട്രീയ എതിരാളികളെ ‘താലിബാന്‍ ശൈലി’യില്‍ കൊലപ്പെടുത്തുന്ന സ്ഥിതിവിശേഷമാണ് കേരളത്തിലുള്ളത്. അടുത്തിടെ കേരളത്തില്‍ കൊല്ലപ്പെട്ട രാജേഷിന്റെ ശരീരത്തില്‍ 80ലധികം വെട്ടുകളേറ്റിരുന്നു. അദ്ദേഹത്തിന്റെ കൈകള്‍ വെട്ടിമാറ്റപ്പെട്ടു. ആര്‍എസ്എസ്, ബിജെപി പശ്ചാത്തലമുള്ള കുടുംബങ്ങളില്‍നിന്നുള്ള ഏഴു കുട്ടികളെയും അക്രമികള്‍ ലക്ഷ്യമിട്ടതായി മീനാക്ഷി ലേഖി ആരോപിച്ചു.
കഴിഞ്ഞ ഏതാനും മാസങ്ങള്‍ക്കിടെ കേരളത്തില്‍ കൊല്ലപ്പെട്ട 14 ബിജെപി, ആര്‍എസ്എസ് പ്രവര്‍ത്തകരുടെ പേരും അവര്‍ ലോക്‌സഭയില്‍ വായിച്ചിരുന്നു. ബിജെപി പ്രവര്‍ത്തകര്‍ കൊല്ലപ്പെടുമ്പോള്‍ ഞങ്ങള്‍ ശബ്ദമുയര്‍ത്തുന്നു. എന്നാല്‍ മറ്റുള്ളവര്‍ അതുപോലും ചെയ്യുന്നില്ല. രാഷ്ട്രീയം കൊല്ലാനുള്ള ലൈസന്‍സ് അല്ലെന്നും മീനാക്ഷി പറഞ്ഞു.
